Իրանը դատապարտեց Եգիպտոսում տեղ ունեցած ահաբեկչական պայթյունները
ԻԻՀ ԱԳ նախարարության խոսնակն ասել է. «Թեհրանը դատապարտում է ցանկացած պատրվակով ու պատճառով կրոնական վայրերի ու հանրահավաքների և անմեղ ու պարզ քաղաքացիների վրա իրականացվող հարձակումները»:
Եգիպտոսի Ալ-Ղարբիա նահանգի կենտրոն Տանտայում ու Ալեքսանդրիայում գտնվող երկու եկեղեցիներում ահաբեկչական երկու պայթյունների հետևանքով զոհվել է շուրջ 46 և վիրավորվել ավելի քան 100 մարդ:
Իրանի ԱԳ նախարարության խոսնակ Բահրամ Ղասեմին կիրակի օրը դատապարտելով Եգիպտոսի եկեղեցիներում իրականացված ահաբեկչական պայթյունները, ցավակցել է այդ երկրի ժողովրդին ու կառավարությանը և զոհերի հարազատներին:
«Նման գործողությունները ծրագրվում եւ իրականացվում են կրոնական սադրանքների հրահրման, ինչպես նաև աստվածային կրոնների հետևորդների միջև տարաձայնության ու սարսափի տարածման նպատակով»,ընդգծել է Բահրամ Ղասեմին:
Իրանի ԱԳ նախարարության խոսնակն ասել է. «Նման սադրանքները միայն տարածաշրջանի բոլոր ժողովուրդների ու պետությունների համախոհությամբ ու զգոնությամբ է հնարավոր չեզոքացնել ու դադարեցնել»:
ԻԼԻՊ ահաբեկչական խումբն իր վրա է վերցրել Եգիպտոսում իրականացված ահաբեկչական պայթունների պատասխանատվությունը:
ԻԼԻՊ-ը փետրվարի վերջին մի տեսագրությամբ հղած ուղերձով սպառնացել էր, թե հարձակում է իրականացնելու Եգիպտոսի ղպտիների վրա:
ԻԼԻՊ-ը 2016 թվականի դեկտեմբերին իր վրա վերցրեց Կահիրեում ղպտիների եկեղեցու դեմ իրականացված ու 19 զոհեր խլած հարձակման պատասխանատվությունը:
