Զարիֆ.«Ահաբեկչության դեմ պայքարը պահանջում է միասնություն»
ԻԻՀ ԱԳ նախարարը թվիթերի իր էջում արաբերեն դատապարտել է Եգիպտոսում տեղի ունեցած ահաբեկչական պայթյունները:
Մոհամմեդ Ջավադ Զարիֆը երկուշաբթի օրը թվիթերի իր էջում դատապարտել է Եգիպտոսի եկեղեցիների վրա կատարված ահաբեկչական հարձակումները: Նա ցավակցություն է հայտնել այդ երկրի ժողովրդին:
ԻԻՀ ԱԳ նախարարը հստակեցրել է.«Տարածաշրջանը ահաբեկչությանը և ծայրահեղականությանը դիմակայելու համար միասնության կարիք ունի»:
Նշենք,որ կիրակի օրը Եգիպտոսում միանգամից մի քանի պայթյուններ են որոտացել, որոնց հետևանքով տուժել են տասնյակ մարդիկ, կան բազմաթիվ զոհեր ու վիրավորներ:Կիրակի օրը պայթյունները տեղի են ունեցել Կահիրեից հյուսիս Տանտա քաղաքի «Մար Գիրգիս» եկեղեցում:Դրանից քիչ անց եգիպտական Ալեքսանդրիա քաղաքում Սբ. Մարկոս ղպտիական տաճարի մոտ տեղի է ունեցել երկրորդ պայթյունը,որից քիչ անց ևս մեկ պայթյուն է տեղի ունեցել Եգիպտոսի հյուսիսային Սինա նահանգում:
