Իրանի պաշտոնյաները կարևորել են ժողովրդի միաբանության և հակաահաբեկչական պայքարի շարունակման անհրաժեշտությունը
Իրանի ժողովրդին հղած առանձին ուղերձում, դատական իշխանության ղեկավարը, նախագահի առաջին տեղակալը և միջազգային հարցերով հեղափոխության մեծարգո առաջնորդի խորհրդականը, ահաբեկչության և ծայրահեղականության դեմ պայքարի շարունակման հարցում կարևորել են Իրանի ժողովրդի վճռականությունը:
Իրանի ժողովրդին հղած ուղերձում, դատական իշխանության ղեկավար Այաթոլլահ Սադեղ Ամոլի Լարիջանին շեշտել է.«Ահաբեկիչները պետք է իմանան, որ տարիներ շարունակ ահաբեկչությանը զոհ գնացած իրանցիները երբեք չեն նահանջի և ամենուրեք կշարունակեն հակաահաբեկչական բազմակողմանի պայքարը»:
Իրանի նախագահի առաջին տեղակալ Էսհաղ Ջահանգիրին հավաստել է.«Այս կարգի գործողությունները ահաբեկչության դեմ պայքարի հարցում ավելի հաստատակամ են դարձնում Իրանի կառավարությանն ու ժողովրդին»:
Միջազգային հարցերով մեծարգո առաջնորդի խորհրդական Ալի Աքբար Վելայաթին նույնպես ասել է.«Ահաբեկչական ու թաքֆիրական խմբերը ծանր գին են վճարելու ահաբեկչական հարձակման համար և ահաբեկչական գործողությունների հետևանքները կրելու են այդ խմբերի աջակիցները»:
