Զարիֆ. «Աշխարհում տեղի ունեցած ահաբեկչական գործողություններից շատերի դեպքում պատասխանատու է Արաբիան»
ԻԻՀ ԱԳ նախարարն ասել է. «Սաուդյան Արաբիան 1998 թվականից ի վեր աշխարհում իրականացված ահաբեկչական գործողությունների 94 տոկոսի պատասխանատուն է»:
«Մեհր» լրատվական գործակալության հաղորդման համաձայն՝ Մոհամմադ Ջավադ Զարիֆը չորեքշաբթի օրը ամերիկյան PBS հեռուստատեսությանը տված հարցազրույցում վահաբականության ծայրահեղական մտածողությունը Սաուդյան Արաբիայի պաշտոնական գաղափարախոսությունը համարելով, ընդգծեց. «Սաուդյան ռեժիմը նավթային դոլարներով ծայրահեղականություն է քարոզում աշխարհում»:
«Աշխարհում տեղի ունեցող ահաբեկչական հարձակումներն իրականացվում են այս գաղափարախոսությանը հարող անձանց հրահրմամբ»․ հայտարարել է ԻԻՀ ԱԳ նախարարը մատնանշելով նաև, որ ԱՄՆ-ի 2001 թվականի սեպտեմբերյան դեպքերն էլ վահաբականության ծայրահեղական գաղափարախոսությունից էին ազդված:
Զարիֆն ընդգծեց. «ԻԼԻՊ-ն ու ահաբեկչական այլ խմբեր նույն ծայրահեղական գաղափարախոսության հիման վրա ահաբեկչական քայլեր են իրականացնում աշխարհի ժողովուրդների դեմ»:
«ԱՄՆ-ի համար կարևորը միայն սպառազինության վաճառքն է»․ հայտարարել է Զարիֆը, հավելելով, որ ԱՄՆ-ի համար կարևորություն չունի, թե որ երկիրն է հովանավորում ահաբեկչությունը:
ԻԻՀ ԱԳ նախարարն անդրադառնալով ԱՄՆ նախագահ Դոնալդ Թրամփի Արաբիա կատարած վերջին ուղևորությանն, ասաց. «Թրամփն Արաբիա չէր ուղևորվի եթե վստահ չլիներ, որ Արաբիայի հետ սպառազինության վաճառքի պայմանագրերը պատրաստ են»:
