Կարևորվել է Թեհրան-Երևան առևտրային համագործակցությունը
Թեհրանում ՀՀ դեսպանը և Իրանի առևտրի ու զարգացման կազմակերպության ղեկավարը զրուցել են Երևանում Իրանի մասնավոր ցուցահանդեսի անցկացման շուրջ:
Իրանի ռադիո-հեռուստատեսության լրատվական գործակալության հաղորդման համաձայն, երեքշաբթի օրը , Մաջթաբա Խոսրոթաջի հետ հանդիպման ժամանակ, Արտաշես Թումանյանը վաղեմի որակելով Իրանի և Հայաստանի հարաբերությունները, հայտնել է Հայաստանում Իրանի մասնավոր ցուցահանդես անցկացնելու վերաբերյալ իր երկրի պատրաստակամության մասին: «Հայաստանն անելու է ամեն ինչ ՝ ցուցահանդեսին մասնակցել ցանկացող ընկերությունների համար».-ասել է դեսպան Թումանյանը:
Իրանի գյուղատնտեսական տեխնիկայի Հայաստան արտահանման մասին, Արտաշես Թումանյանը նշել է.«Գյուղատնտեսական մարմինների և սպառողի հետ կապ հաստատելով, իրանական կողմը կարող է իր տեխնիկայի առավելություններն ընդգծելով, սպառողական շուկայից բաժին ունենալ»:
2017 թվականի սեպտեմբերի 22-ից 25-ը Երևանում կայանալու է Իրանի գյուղատնտեսական տեխնիկայի մասնավոր ցուցահանդեսը:
