Էրդողանի Թեհրան կատարելիք այցի նշանակությունը
Իրանի խորհրդարանում Իրան-Թուրքիա խորհրդարանական բարեկամության խմբի ղեկավարն ասել է.«Հաշվի առնելով տարածաշրջանի իրադարձությունները, Թուրքիայի նախագահի Թեհրան կատարելիք այցն ունի մեծ նշանակություն: Այս այցը կարող է նպաստել տարբեր ոլորտներում երկու երկրի դիրքորոշումների մերձեցմանը»:
Լրատվական աղբյուրների հաղորդման համաձայն՝ Թուրքիայի նախագահը հոկտեմբերի 4-ին կայցելի Թեհրան:
Ահմադ Ալիռեզա Բեյգին հավելել է.«Ռեջեբ Թայիբ Էրդողանի Իրան կատարելիք այցը կազդի տարածաշրջանի իրավիճակի վրա, քանի որ պետք է համագործակցությամբ կայունություն հաստատել տարածաշրջանում և միջազգային իրավունքների հիմամբ պաշտպանել միջազգայնորեն ճանաչված սահմանները»:
Ալիռեզա Բեյգին նշել է.«Իրանը և Թուրքիան տարածաշրջանային համագործակցությամբ և միջազգային շրջանակներում ունեցած ընդհանուր դիրքորոշմամբ կարող են աշխարհի հանրային կարծիքի համար պարզել տարածաշրջանի ապակայունացման գործընթացը և այդ հարցում Իսրայելի ռեժիմի ու ԱՄՆ-ի դերակատարությունը»:
