Իրանն արձագանքեց ՄԱԿ-ում Արաբիայի ներկայացուցչի հայտարարությանը
ՄԱԿ-ում ԻԻՀ ներկայացուցչության գրասենյակում տեղյակ մի աղբյուր հայտարարել է. «Արաբիան նյարդայնացած է այն պատճառով, որ իր անունը հայտնվել է մանուկների իրավունքները ոտնահարող երկրների ցուցակում»:
Իրանի ռադիո-հեռուստատեսության լրատվական գործակալության հաղորդման համաձայն, ՄԱԿ-ում Արաբիայի ներկայացուցիչ Աբդոլլահ Ալ-Մոալեմին ուրբաթ օրը պատասխանելով ՀԳՀԾ-ի հանդեպ Իրանի հավատարմությունն ԱՄՆ-ի կառավարության կողմից չհաստատվելու հավանականության մասին հարցումին, ասել է. «Այս հարցն Արաբիային չի առնչվում, սակայն Եմենում, Իրաքում, Սիրիայում, Բահրեյնում ու նույնիսկ Սաուդական Արաբիայում Իրանի քայլերը պատասխանատու չեն»:
ՄԱԿ-ում Արաբիայի ներկայացուցիչը նաև անդրադարձել է Իրանի հրթիռային փորձարկումներին և դրանք ներկայացրել որպես անպատասխանատու քայլերի օրինակ:
ՄԱԿ-ը Եմենի մասին իր վերջին զեկույցում հայտարարել է, որ Եմենի դեմ սաուդական կոալիցիայի հարձակումների հետևանքով, անցած մեկ տարվա ընթացքում զոհվել կամ վիրավորվել է 683 երեխա: Զեկույցը ներկայացնելուց հետո, ՄԱԿ-ն Արաբիայի անունը ներառեց մանուկների իրավունքները ոտնահարող երկրների ցուցակում:
