Սիփան Վրդ. Քեչեճյան .«Իրանցիները մշտապես օգնել են իրանահայերին»
Սպահանի հայոց թեմի կաթողիկոսական փոխանորդն ասել է.«Իրանի պատասխանատուներն ու ժողովուրդը մշտապես հարգել են իրանահայերին և ոչ մի օգնություն չեն խնայել»:
Հոկտեմբերի 22-ին Սպահանում ԱՐՄԵՆՊՐԵՍ Հայկական լրատվական գործակալության գործադիր տնօրեն ՝ Արմեն Անանյանի հետ հանդիպմանը, Սպահանի հայոց թեմի կաթողիկոսական փոխանորդ ՝ Գերպ. Տ. Սիփան Ծ. Վրդ. Քեչեճյանն ասել է .«Իրանում կրոնական փոքրամասնությունների ու տարբեր ազգերի իրավունքները մշտապես ուշադրության են արժանացել»: Այդ մասին հաղորդել է ԻՌՆԱ գործակալությունը:
Սպահանի հայոց թեմի կաթողիկոսական փոխանորդի խոսքերով ՝ Իրանում և Սպահանում տարբեր կրոնների ու ազգերի խաղաղ գոյակցությունն օրինակելի է:
Անդրադառնալով լրատվամիջոցների դերակատարությանը , Գերպ. Տ. Սիփան Ծ. Վրդ. Քեչեճյանը գոհունակություն է հայտնել ԻՌՆԱ-ի և ԱՐՄԵՆՊՐԵՍ-ի համագործակցության կապակցությամբ, նշելով .«Իրանի և Հայաստանի լրատվամիջոցների համագործակցությունը կարող է ի դերև հանել որոշ լրատվամիջոցների ապաքարոզչությունը ՝ միջազգային հանրությանը ներկայացնելով Իրանի և Հայաստանի մասին իրողությունը»:
Շաբաթ օրը Թեհրանում ԻԻՀ-ի լրատու գործակալություն ՝ ԻՌՆԱ-ն և ԱՐՄԵՆՊՐԵՍ Հայկական լրատվական գործակալությունը երկկողմ համագործակցության համաձայնագիր են ստորագրել: