Գուտերեշին հղած նամակում Զարիֆը նշել է, որ Եմենի ժողովրդի վիճակը վտանգավոր է
ԻԻՀ ԱԳ նախարարը երկուշաբթի օրր ՄԱԿ-ի գլխավոր քարտուղար Անտոնիո Գութերեշին հղած նամակում նշել է, որ Սաուդյան ռեժիմի ոտնձգության ու համակողմանի շրջափակման ենթարկվելու պատճառով, Եմենի վիճակը վտանգավոր է:
ԻՌՆԱ-ի հաղորդման համաձայն, Մոհամմեդ Ջավադ Զարիֆն ընդգծել է. «Եմենի դեմ Արաբիայի 30-ամսյա ոտնձգության արդյունքում խլվել է հազարավոր անմեղ մարդկանց, հատկապես կանանոց ու երեխաների կյանքը, ավերվել են այդ երկրի ենթակառուցվածքները և քաղաքային ու քաղաքացիական կառույցներն, այդ թվում հիվանդանոցները, դպրոցները, ճանապարհները, սննդային արդյունաբերությունն ու էլեկտրակայանները և եմենցիները զրկվել են ամենատարրական կարիքները բավարարելու հնարավորությունից»:
ԻԻՀ ԱԳ նախարարը նշել է, որ Եմենում հումանիտար աղետը Սաուդյան ռեժիմի կողմից այդ երկրի շրջափակման պատճառով սրվում է: Նա միջազգային հանրությանը կոչ է արել լուրջ քայլեր ձեռնարկել Եմենի ճգնաժամի ու պատերազմին վերջ տալու ուղղությամբ»:
«ԻԻՀ-ն մշտապես հայտարարել է, որ Եմենի ճգնաժամի միակ լուծումը բացարձակապես քաղաքական է և կարող է իրականացվել քաղաքական բոլոր ուժերի մասնակցությամբ համապարփակ կառավարության ձևավորմամբ ու Եմենի հարցերին որոշ երկրների չմիջամտությամբ»,-հայտարարել է Զարիֆը:
Սաուդյան ռեժիմը 2015 թվականի մարտ ամսին Եմենի հրաժարված նախագահ Աբդեռաբե Մանսուր Հադիին իշխանության վերադարձնելու նպատակով, պատերազմ սկսեց Եմենի դեմ և ցամաքային, օդային ու ծովային շրջափակում գործադրեց այդ երկրի դեմ: