Ինչո՞ւ սիոնիստական բանակը չկարողացավ հասնել իր նպատակներին Գազայի պատերազմում
Pars Today-Արաբալեզու մի լրատվամիջոց հրապարակած հոդվածում անդրադարձել է Գազայում պաղեստինյան դիմադրության գաղտնիքին եւ Սիոնիստական ռեժիմի վարչապետ Բենիամին Նեթանյահուի հայտարարած նպատակներն իրագործելու ռեժիմի բանակի ձախողմանը։
Օկուպանտների դիմաց Գազայի ժողովրդի և Դիմադրության դիմակայությանն անդրադարձած Raialyoum թերթի հոդվածում ասված է․-Թվում է, թե իր ողջ ռազմական զինանոցով և անվտանգության ծառայություններով և բարձրագույն տեխնոլոգիայով, Իսրայելին մեկ տարում չի հաջողվել իրականացնել վարչապետ Բենիամին Նեթանյահուի նկատի առած նպատակները, այն է՝ հաղթահարել պաղեստինյան դիմադրությունը։
Pars Today-ի հաղորդման համաձայն, Raialyoum-ն այս հոդվածում նշում է, որ Դիմադրությունը շարունակում է հզոր պայքարը և նույնիսկ Գազայից թիրախավորում է Թել Ավիվը:
Raialyoum-ն այնուհետև հղում անելով Արևմտյան Ասիայի հարցերով երկու վերլուծաբանների՝ Ամինա Մահֆարին և Նասեր Խազուրին, նշել է․-ՀԱՄԱՍ-ը շարունակում է մնալ ակտիվ ռազմական ուժ Պաղեստինում և Գազայի հատվածում պատերազմում է իսրայելական ուժերի դեմ:
Արաբալեզու այս լրատվամիջոցն անդրադառնալով ՀԱՄԱՍ-ի ռազմական հնարավորությունների մասին Washington Post-ի զեկույցին նշել է, որ պաղեստինցիների թունելներն ունեն 500 կիլոմետր երկարություն և ավելի մեծ են, քան Նյու Յորքի մետրոն, և հավասար է Թել Ավիվից հարավային Թուրքիա տարածությանը:
Իր հոդվածի վերջում Raialyoum-ը գրել է-Արդյո՞ք Նեթանյահուն պատերազմի ավարտի մասին կհայտարարի նախքան իր պարտությունը խոստովանելը: Ո՞րն է Գազայի վերաբերյալ հետագա սցենարը.