Ուկրաինան, առանց անդամակցության, որպես զինվոր է ծառայում ՆԱՏՕ-ի համար
-
Ուկրաինայի նախագահ Վոլդիմիր Զելենսկին և ՆԱՏՕ-ի նախկին գլխավոր քարտուղար Յենս Ստոլտենբերգը
Ռուսաստանի փոխարտգործնախարարն ասել է, որ ուկրաինացիները հանդիսանում են Հյուսիսատլանտյան դաշինքի (ՆԱՏՕ) կողմից Ռուսաստանի դեմ հրահրած հիբրիդային պատերազմի հիմնական սպառողական նյութը։
Ռուսաստանի փոխարտգործնախարար Ալեքսանդր Գրոշկոն, անդրադառնալով Ռուսաստանի և Արևմուտքի միջև միջուկային պատերազմի աճող ռիսկերին, ընդգծել է, որ Մոսկվան այն համոզմանն է, որ ՆԱՏՕ-ի ռազմական դաշինքը մեծացնում է միջուկային զենքի բաղադրիչն իր ռազմավարության մեջ։
Ըստ Parstoday-ի, Ռուսաստանի փոխարտգործնախարարը, ով նաև պատասխանատու է Եվրոպայի և ՆԱՏՕ-ի հետ այդ երկրի հարաբերությունների դիտարկման և վերահսկման համար, հայտարարել է, որ ՆԱՏՕ-ի անդամ երկրների կողմից Ուկրաինային տեղեկատվության և զենքի տրամադրումը մեծացնում է ուղղակի ռազմական բախման վտանգը Մոսկվայի և այս ռազմական դաշինքի միջև։
Ռուս դիվանագետը նաև նշել է, որ Մոսկվան թարմացնում է իր միջուկային դոկտրինը, որպեսզի թշնամիները պատրանքներ չունենան այն մասին, որ Ռուսաստանը պատրաստ է ապահովել իր անվտանգությունը բոլոր հասանելի միջոցներով։
Անգլիական «Financial Times» թերթն այս համատեքստում հայտնել է, որ Ուկրաինան ու նրա դաշնակիցները աստիճանաբար գիտակցում են, որ եվրոպական այս երկիրը պետք է բանակցությունների գնա Ռուսաստանի հետ։
Հունգարիայի արտաքին գործերի նախարար Պետեր Սիարտոն մամուլի ասուլիսում ասել է. «ՆԱՏՕ-ի անդամ երկրների մեծ մասը չի աջակցում Ուկրաինայի անդամակցությանը այս դաշինքին, և նրանցից շատերն իրենց թերահավատությունն ու անհամաձայնությունն են հայտնում իրենց գաղտնի բանակցություններում»: