Pars Today

ParsToday – Եբրայական լեզվով լրատվամիջոցը իր գրառման մեջ անդրադարձել է Իրանի դեմ Իսրայելի հակամարտության ասպեկտներին և այն հանգամանքին, որ ինչու Թել Ավիվը պետք է խուսափի Թեհրանի հետ հակամարտությունից:

Սիոնիստ փորձագետ «Itali Landsberg»-ը իսրայելական Zman լրատվական կայքի գրառման մեջ անուղղակիորեն զգուշացրել է Սիոնիստական ​​ռեժիմի ղեկավարներին ուշադրություն դարձնել պատմական փորձառություններին և պարտությանը առերեսվելու փոխարեն զսպվածություն ցուցաբերել և խուսափել Իրանի հետ հակամարտությունից:

Ըստ ParsToday-ի հաղորդման, որը մեջբերում է Նուրնյուզին, այս հոդվածում Լանդսբերգը մատնանշում է 6 պատճառ, թե ինչու Իսրայելը չպետք է կոնֆլիկտի մեջ մտնի Իրանի հետ, որոնց կարևոր մասերը նշվում են ըստ հետևյալի.

1. Իսրայելի և Իրանի միջև բալիստիկ հրթիռների պատերազմը ասիմետրիկ պատերազմ է, Իրանը տարածաշրջանային տերություն է, որը իր տրամադրության տակ ունի մեծ քանակությամբ կենդանի ուժ, զենք, վառելիքի պաշարներ, տնտեսական հնարավորություններ և այլն, մինչդեռ Իսրայելը փոքր կառույց է՝ սահմանափակ թվով ռազմական և մարդկային ուժով։

2. Իրանի հրթիռային մաշողական պատերազմը կհանգեցնի Իսրայելի զսպող ուժի շարունակական կորուստների:

3. Իրանում զոհաբերության ու հայրենիքը պաշտպանելու հարցում սահման չկա. Իրանն իր դեմ Իրաքի մղած 8-ամյա պատերազմում հազարավոր կյանքեր է զոհաբերել, բայց չի հանձնվել։ Մինչդեռ Իսրայելը չի ​​կարող նմանատիպ կորուստ պարտադրել Իրանին։

4. Իրանը շարունակում է իր միջուկային զարգացումը, և Իսրայելը չի ​​կարողանա կանխել դա, քանի որ չունի Իրանի միջուկային հզորությունը ոչնչացնելու հնարավորություն։

5. Իսրայելի ռազմաօդային ուժերը ներկայումս ներքաշված են բազմաճակատ պատերազմի մեջ, Իրանի վրա հարձակվելու համար այս ուժերի կենտրոնացումը կարող է նվազեցնել նրա կործանիչների հզորությունը և մեծացնել այդ կործանիչներին խոցելու և օդաչուներին գերեվարելու հնարավորությունը:

6. Ավելի լավ է, որ Իսրայելը, զսպվածությամբ , մտածի այլ լուծումներ կիրառելու մասին, քան պատերազմն է, որը նախկինում կիրառել է իրանցի միջուկային ոլորտի գիտնականների սպանության տեսքով:

Հեղինակն այնուհետև եզրակացնում է․ «Եթե այս պատճառները բավարար չեն Իսրայելի որոշումների կայացման կենտրոններին, ապա պետք է զգուշացնել նրանց, որ Իսրայելի հարձակումն անպայման կհանգեցնի տարածաշրջանային սպառնալիքի ձևավորմանը, իսկ այդ ժամ պետք է մտածենք Իրաքում, Սիրիայում և գուցե Եմենում ուժ կիրառելու մասին, միևնույն ժամանակ Իսրայելի դեսպանատները ամբողջ աշխարհում նույնպես կդառնան հարձակման թիրախ»:

Նա ավելացնում է, որ Իսրայելի բանակի 75%-ը կազմված է պահեստային ուժերից, ուժեր, որոնք հյուծվել և քայքայվել են մեկ տարվա պատերազմի հետևանքով։ Իրանի հետ հակամարտության մեջ մտնելը կարող է քանի տարով երկարացնել պատերազմը Լիբանանում և Գազայում, և դա նշանակում է պահեստային ուժերի հյուծում, ինչն ինքնին կհանգեցնի իսրայելական բանակի հիմնական ուժի քայքայմանը։

Պետք է նշել, որ դա կբերի Իսրայելի ռազմական, տնտեսական և սոցիալական պարտությանը, մինչդեռ Իրանը չունի նման սահմանափակումներ։

Միակ բանը, որ Իսրայելի կաբինետը կարող է անել իսրայելցիների համար, այն է, որ ոչինչ չանել և հրաժարվել ապակառուցողական որոշումներից։