ԻԻՀ ԱԳՆ խոսնակը հակազդել է Ալե Սաուդի հակաիրանական դիրքորոշումներին
ԻԻՀ ԱԳ նախարարության խոսնակը, հակազդելով Իրանի դեմ ուղղված Ալե Սաուդի վերջին հայտարարություններին, ասել է. «Այս դիրքորոշումները վկայում են տարածաշրջանում Արաբիայի ձախողումների մասին»:
Բահրամ Ղասեմին «Ալ-Ալամ» հեռուստակայանին տված հարցազրույցում ասել է. «Արաբիան մխրճվել է Եմենի ճահճուտի մեջ և չնայած հարձակումներին ու շրջափակումներին, այդ երկրի ժողովուրդն Ալե Սաուդին իր նպատակների իրագործման ճանապարհին ձախողման է մատնել և այդ պատճառով էլ նրանք դիրքորոշվել են Իրանի դեմ»:
«Իրանը որևէ զենք չի առաքել Եմեն: Այդ երկրի զինապահեստները մնացել են ԽՍՀՄ-ի ժամանակաշրջանից և եմենցիները Խորհրդային Միությունից գնված սպառազինությունը թարմացրել են»,-հայտարարել է Ղասեմին:
Ղասեմին ընդգծել է, որ Եմենի ճգնաժամը միայն երկխոսության ու քաղաքական լուծման միջոցով կարող է կարգավորվել: Ն«ա խւսքերով. «Եմենի դեմ Արաբիայի ոտնձգության հարցում Էմիրությունները գլխավոր դերակատարություն է ունեցել և Քրեական միջազգային դատարանը պետք է վերահասու լինի Էմիրությունների բացասական դերակատարությանը»:
Անդրադառնալով Իրանի ու ԱՄՆ-ի միջև համագործակցությանը, Ղասեմին ասել է. «Վաշինգտոնը նպատակ ունի ներքին խնդիրներ առաջացնել իսլամական երկրներում և նրանց միջև բախումներ հրահրել»:
«Իսլամական որոշ երկրների դիրքորոշումները հող նախապատրաստեցին Վաշինգտոնի դեսպանատունը Թել Ավիվից Ղոդս տեղափոխելու մասին ԱՄՆ նախագահ Դոնալդ Թրամփի որոշման համար»,-հայտարարել է ԻԻՀ ԱԳ նախարարության խոսնակը:
