Միջխորհրդարանական միությունում Իրանի ներկայացուցիչ.«Իրանական եռյակ կղզիների պատկանելիության հարցը բանակցության ենթակա չէ»
Համաշխարհային միջխորհրդարանական միությունում Իրանի խորհրդարանական պատվիրակության անդամն անհիմն է որակել իրանական եռյակ կղզիների վերաբերյալ Արաբական միացյալ էմիրությունների (ԱՄԷ) ներկայացուցչի հայտարարությունը: «Այս կղզիներում Իրանի ինքնիշխանությունն ու տարածքային ամբողջականությունը բանակցության ենթակա չեն». ասել է նա: Այս մասին հաղորդել է խորհրդարանի լրատվական գործակալությունը:
Արձագանքելով Ժնևում միջխորհրդարանական միության վեհաժողովում իրանական եռյակ կղզիների վերաբերյալ ԱՄԷ-ի խորհրդարանի ներկայացուցչի հայտարարությանը, Ղոլամալի Ջաաֆարզադեհ Իմենաբադին ասել է.«Էմիրությունների ներկայացուցիչն անհիմն հայտարարություն է արել Իրանի տարածքային ամբողջականության վերաբերյալ, ինչը դեմ է միջազգային իրավունքներին ու սկզբունքներին , ՄԱԿ-ի կանոնագրին և հարևանության հարաբերություններին»:
Ընդգծելով ,որ Պարսից ծոցում գտնվող իրանական կղզիների պատկանելիության հարցը քննարկման ենթակա չէ, Իրանի խորհրդարանի ներկայացուցիչը նշել է.«Իրանն իր պատրաստակամությունն է հայտնել հարաբերությունները ամրապնդելու և թյուրիմացությունները վերացնելու նպատակով Էմիրությունների հետ երկխոսություն անցկացնելու համար»:
Մարտի 24-ին Ժնևում մեկնարկել են Միջխորհրդարանական միության 138-րդ վեհաժողովի աշխատանքները, աշխարհի տարբեր երկրների ներկայացուցչական պատվիրակությունների մասնակցությամբ:
