Իրանի և Ճապոնիայի արտգործնախարարների հեռախոսազրույցը
Հինգշաբթի երեկոյան, Իրանի արտգործնախարար Մոհամմեդ Ջավադ Զարիֆի հետ հեռախոսազրույցում, Ճապոնիայի արտգործնախարարը հայտարարել է, որ Տոկիոն հովանավորում է Իրանի հետ միջուկային համաձայնությունը:
ԻՌՆԱ գործակալության հաղորդման համաձայն, հեռախոսազրույցում Տարո Կոնոն ասել է.«Թեկուզ առանց ԱՄՆ-ի, սակայն Իրանի և մյուս կողմերի մասնակցությամբ ՀԳՀԾ-ի իրագործումը նշանակություն ունի»:
Երեքշաբթի օրը, ԱՄՆ-ի նախագահ Դոնալդ Թրամփը կրկնեց Իրանի դեմ անհիմն մեղադրանքները և հայտարարեց, որ Վաշինգտոնը հրաժարվում է ՀԳՀԾ-ի համաձայնությունից և 3-6 ամիսների ընթացքում վերականգնելու է միջուկային շրջափակումները:
Ներքին ու միջազգային շրջանակները քննադատել են Թրամփի այդ քայլը:
ՄԱԿ-ի գլխավոր քարտուղար Անտոնիո Գութերեշը ցավ է հայտնել ԱՄՆ-ի նախագահի կամայական այդ որոշման կապակցությամբ:
Բրիտանիան, Ֆրանսիան, Չինաստանը, Ռուսաստանը և Եվրամիությունը որպես ՀԳՀԾ-ի կողմեր հովանավորել են միջազգային համաձայնությունը:
