Իրանը ցավակցություն է հայտնել Կուբայում օդանավի կործանման հետևանքով զոհվածների հարազատներին
Իրանի Իսլամական Հանրապետության Արտաքին գործերի նախարարության խոսնակը ցավակցություն է հայտնել Կուբայի կառավարությանը և ժողովրդին Հավանայի օդանավակայանի մերձակայքում օդանավի ողբերգական կործանման կապակցությամբ։
Իրանի ԱԳ նախարարության խոսնակ՝ Բահրամ Ղասեմին ցավ է հայտնել Հավանա նահանգի Խոսե Մարտի միջազգային օդանավակայանի մոտ տեղի ունեցած ուղևորատար ինքնաթիռի վթարի կապակցությամբ, որը բազմաթիվ մարդկային զոհերի պատճառ է դարձել։ Ղասեմին խորին ցավակցություն և զորակցություն է հայտնել զոհվածների ընտանիքներին ու հարազատներին:
Կուբայում վթարի է ենթարկվել Cubana de Aviacion ավիաընկերության Boeing 737 ինքնաթիռը: Ինքնաթիռը Հավանայից Օլգին էր թռչում: Հավանայի օդանավակայանից թռչելուց մի քանի րոպե անց այն ընկել է:
Կուբայի իշխանությունները հայտարարել են, որ ուղևորներից երեքը ողջ են մնացել, սակայն նրանց առողջական վիճակը շատ ծանր է:
Պաշտոնական աղբյուրների համաձայն՝ վթարի հետևանքով մինչ այժմ զոհվել է 111 մարդ:
