Եմենի լայնածավալ հարձակումը Aramco-ի և սաուդյան զգայուն թիրախների վրա
Եմենի զինված ուժերի խոսնակը հայտնել է Aramco նավթային օբյեկտների և սաուդյան զգայուն թիրախների, այդ թվում՝ Խամիս Մուշաիթում գտնվող «Մալեք Խալեդ» ավիաբազայի դեմ լայնածավալ հրթիռային և անօդաչու թռչող սարքերով գործողության իրականացման մասին։
Հղում անելով ԻՌՆԱ-ին «Pars Today»-ը հաղորդել է, որ Յահյա Սարին հայտարարել է, որ այս գործողությունը իրականացվել է ի պատասխան վերջին երեք օրերի ընթացքում Եմենի դեմ Սաուդյան Արաբիայի կողմից իրականացված 121 ավիահարվածների։ Այս հարձակումների ժամանակ և Նաջրանում և Աբհայում գտնվող Aramco-ի օբյեկտները և Ջիզան տնտեսական քաղաքը, ինչպես նաև Խամիս Մուշաիթի ավիաբազան թիրախավորվել են տասնյակ բալիստիկ հրթիռներով և անօդաչու թռչող սարքերով։ Նա պնդել է, որ հարձակումները կատարվել են ճշգրիտ կերպով և մեծ վնաս են հասցրել թիրախներին։ Սաուդյան Արաբիայի էներգետիկայի նախարարությունը նաև հայտնել է հարավում գտնվող էներգետիկ օբյեկտների թիրախավորման, հրդեհների բռնկման, և որոշ գործողություններ ժամանակավորապես դադարեցվու մասին։ Յահյա Սարին ընդգծել է, որ Եմենը սաուդյան հարձակումներին կպատասխանի ավելի կոշտ ձևով։