Ճապոնիայի վարչապետի Իրան կատարելիք այցելությունն օրակարգում չի եղել. Ղասեմի
ԻԻՀ ԱԳ նախարարության խոսնակը երեքշաբթի գիշեր արձագանքելով Ճապոնիայի վարչապետ Շինզո Աբեի Իրան կատարելիք այցը չեղարկվելու մասին տարածված լուրերին, ասել է. «Ճապոնիայի վարչապետի Իրան այցելելու կապակցությամբ որևէ զրույց տեղի չի ունեցել և որևէ ծրագիր չի մշակվել»:
«Մեհր» լրատվական գործակալության հաղորդման համաձայն, Բահրամ Ղասեմին Իրանի ու Ճապոնիայի հարաբերությունները չափազանց լավ բնութագրելով ասել է. «Որպես վաղեմի բարեկամ ու գործընկեր, Թեհրանը ողջունում է Տոկիոյի հետ բոլոր մակարդակներում հարաբերությունների ընդլայնումը, բայց ճապոնիայի վարչապետի այցն Իրան որևէ ժամանակ երկու երկրի օրակարգում չի եղել»:
Ճապոնիայի ԶԼՄ-ները երեքշաբթի օրը տեղեկացրել էին Շինզո Աբեի Իրան կատարելիք այցը չեղարկվելու մասին:
Համաձայն ճապոնական ԶԼՄ-ների հայտարարության, Շինզո Աբեն հուլիսի կեսերին պետք է այցելեր Թեհրան:
Ճապոնական ԶԼՄ-ները հայտարարել են, որ այս այցը չեղարկվել է ԱՄՆ-ի գործադրած ճնշումների պատճառավ:
