Իրանի ներկայացուցիչը դարձել է թենիսի միջազգային երիտասարդական մրցաշարի չեմպիոն
Իրանի ներկայացուցիչ Սինա Մողիմին դարձավ թենիսի միջազգային երիտասարդական մրցաշարի չեմպիոն:Այս մասին հաղորդում է ԻՌՆԱ լրատվական գործակալությունը:
Հուլիսի 29-ին Հայաստանում անցկացվեց աշխարհի երիտասարդների թենիսի միջազգային մրցաշարի եզրափակիչ փուլը, որի արդյունքում Իրանի ներկայացուցիչը հաղթեց հյուրընկալող թիմի մարզիկին և որպես առաջին իրանցի թենիսիստ արտերկրում տեղի ունեցած մրցաշարում նվաճեց չեմպիոնի կոչումը:
Երրորդ տեղը զբաղեցրին Ռուսաստանի և Շվեդիայի թենիսիստները:
Աշխարհի երիտասարդների թենիսի միջազգային մրցաշարին մասնակցել էին 32 թենիսիստներ Իրանից, Ռուսաստանից, Բրիտանիայից, Հայաստանից, Շվեդիայից, Նորվեգիայից, Հունաստանից, Բուլղարիայից, Լիբանանից, Ֆրանսիայից, Պորտուգալիայից, Շվեյցարիայից, Ղազախստանից, Նիդերլանդներից, Ավստրիայից, Թուրքիայից, Սլովակիայից և Բելառուսից:
