Մեկնաբանություն - Թրամփի գոլֆ է խաղում 100000 ամերիկյան դիակների վրա
Չնայած նախագահ Դոնալդ Թրամփի պնդումներին, երկրում շարունակվում է կորոնավիրուսի ճգնաժամը, որի հետևանքով զոհերի թիվը կտրուկ բարձրանալովհասել է ավելի քան 100 հազարի: Նման իրավիճակում Թրամփը զվարճանում է գոլֆի խաղալով:
Իրավիճակը Միացյալ Նահանգներում ճգնաժամային է: Կորոնավիրուսի տարածման ֆոնին շարունակվում է քննադատությունը կառավարության, հատկապես Նախագահ Դոնալդ Թրամփի գործողությունների և անպատասխանատվության դեմ: Այնուամենայնիվ կարանտինը չեղարկելով և բացելով երկրի տնտեսությունը Միացյալ Նահանգների նախագահը փորձում է վերահսկել իրավիճակը և այն նորմալ դարձնել:
Մահացության բարձր մակարդակը ծերանոցներում, պատերազմի վետերանների, ռասայական փոքրամասնությունների շրջանում, ինչպես նաև կորոնավիրուսով վարակվածներ մոտ հիմնական հիվանդությունների հայտնաբերումը մեծացրել են մահացության դեպքերը: Դա վկայում է, որ երկրի սոցիալական աջակցության համակարգը և առողջապահության ոլորտն ունեն բազմաթիվ թույլ կողմեր:
Ամերիկյան հիվանդանոցների ասոցիացիան մարտի 8-ին հրապարակած զեկույցում նշել է, որ 96 միլիոն ամերիկացիներ, ամենայն հավանականությամբ, կվարակվեն կորոնավիրուսով, իսկ 480 հազարը կմահանա:
ԱՄՆ Ներկայացուցիչների պալատի խոսնակ Նենսի Փելոսին, ընդգծելով կորոնավիրուսի թեստերի անցկացման, վարակված հիվանդներին հայտնաբերելու և մեկուսացնելու կարևորությունն ասել է, որ նախագահ Թրամփը շատ վատ աշխատեց այս ուղղությամբ: «Նախագահը ոչ միայն չգիտեր ճշմարտությունը, այլև չցանկացավ ընդունել այն, ինչ կատարվում էր երկրի ներսում»,- ասել է նա:
ԱՄՆ-ի տնտեսությունը նույնպես ծանր վնասներ է կրել կորոնավիրուսից: Վերջին ամիսներին շատ ամերիկացիներ կորցրել են իրենց աշխատանքը: Շատերը սնանկացել են ՝ իրենց պարտքերը վճարելու անկարողության պատճառով: Ըստ վիճակագրության՝ ԱՄՆ-ի տնտեսական աճի դանդաղումը աննախադեպ է եղել մեծ դեֆիցիտի ժամանակներից ի վեր: ԱՄՆ աշխատանքի նախարարության տվյալների համաձայն կորոնավիրուսի բռնկումից հետո, ավելի քան 36 միլիոն ամերիկացիներ կորցրել են իրենց աշխատանքը և փակվել են հազարավոր ընկերություններ, գործարաններ և աշխատավայրեր:
ԱՄՆ-ում գործազրկությունը կանխատեսվում է հասնել առնվազն 16 տոկոսի, ինչը բարձրագույն ցուցանիշն է Երկրորդ աշխարհամարտից հետո:
Մինչդեռ վերջին շաբաթներին ԱՄՆ-ի նախագահը փորձում է տնտեսությունը վերաբացելով, հաղթահարել կորոնավիրուսի ճգնաժամը: Նա հայտարարել է, որ նույիսկ կորոնավիրուսի երկրորդ ալիքի բռնկման դեպքում Միացյալ Նահանգներում աշխատանքները չեն փակվելու: Այս օրերին Դոնալդ Թրամփն ավելի շատ անհանգստացած է առաջիկա նախագահական ընտրություններում սեփական կորուստով, քան երկրի քաղաքացիների կյանքի համար:
ԱՄՆ-ի քաղաքացիների տնտեսական և սոցիալական պայմանները կարևոր նշանակություն կունենան առաջիկա ընտրություններում:
