Մեկնաբանություն - Պուտինը նախազգուշացրել է ահաբեկիչներին Աֆղանստան տեղափոխելու կապակցությամբ
Ռուսաստանի նախագահ Վլադիմիր Պուտինը շեշտել է, որ Իրաքից ու Սիրիայից ահաբեկիչներ են տեղափոխվում Աֆղանստան, և որ նրանք սպառնում են ԱՊՀ երկրների կայունությանը: Պուտինը կարևորել է Աֆղանստանի սահմանների շարունակական մոնիտորինգը և ահաբեկիչների դեմ պայքարելու պատրաստակամությունը: ՌԴ նախագահի խոսքով ՝ իրավապահներն ու անվտանգության ուժերը պետք է համակարգեն իրենց աշխատանքները՝ անհրաժեշտության դեպքում համատեղ հատուկ գործողություններ իրականացնելու համար:
ՌԴ ԱԳՆ պաշտոնական ներկայացուցիչ Մարիա Զախարովան անցած շաբաթ հայտարարել էր, որ Ռուսաստանի կառավարությանը մտահոգում է Աֆղանստանում ԻԼԻՊ ահաբեկչական խմբավորման ակտիվության աճը:
Ահաբեկչական տարրերի Աֆղանստան տեղափոխման վերաբերյալ Ռուսաստանի նախագահի մտահոգությունը ցույց է տալիս, որ Աֆղանստանի վերաբերյալ Մոսկվայի մտահոգությունը ոչ միայն չի նվազել, այլ այժմ աճել է այդ երկրում անվտանգության անկայուն իրավիճակի և ԻԼԻՊ -ի կողմից ահաբեկչական գործողությունների շարունակման պատճառով: Ի դեպ տարբեր հաղորդումներ են հրապարակվել Սիրիայից ու Իրաքից ահաբեկչական տարրերի Աֆղանստան տեղափոխման վերաբերյալ, որոնք նպատակ ունեն միանալ ԻԼԻՊ-ին: Միևնույն ժամանակ, մեծ հավանականությամբ Աֆղանստանում կվերականգնվի «Ալ-Ղաիդան»:
Այս ամենը հանգեցրեց նրան, որ Ռուսաստանը և Կենտրոնական Ասիայի երկրներն այժմ անվտանգության ոլորտում ունենան մտահոգություններ՝ կապված ահաբեկչական տարրերի Կենտրոնական Ասիա և այնտեղից Ռուսաստան ներթափանցման հետ: Ահաբեկչական խմբավորումների, հատկապես ԻԼԻՊ-ի գործունեության պատճառով Պուտինը Աֆղանստանում իրավիճակը բնութագրել է շատ բարդ:
Աֆղանստանից ԱՄՆ -ի և ՆԱՏՕ -ի զորքերի դուրսբերման մասին հայտարարությունից հետո, Վաշինգտոնը ձգտում էր բազաներ ստեղծել Կենտրոնական Ասիայում` Աֆղանստանում ահաբեկչական սպառնալիքին դիմակայելու համար, որին դեմ էին Մոսկվան և Կենտրոնական Ասիայի այլ երկրներ: Ավելի վաղ, պաշտպանության նախարար Սերգեյ Շոյգուն զգուշացրել էր Կենտրոնական Ասիայում լոգիստիկ օբյեկտներ կառուցելու ԱՄՆ -ի ջանքերի կապակցությամբ՝ դրանք անվանելով սպառնալիք տարածաշրջանային կայունության համար:
ՀԱՊԿ արտգործնախարարները հրապարակած համատեղ հայտարարության մեջ նշել են, որ դեմ են իրենց տարածքում ԱՄՆ -ի և ՆԱՏՕ -ի օբյեկտների տեղակայմանը:
Այս հարցը կարևորվում է այն առումով որ, ըստ Ռուսաստանի քաղաքական և անվտանգության բարձրաստիճան պաշտոնյաների, Միացյալ Նահանգներն ինքը հանդիսացել է օկուպացիայի ընթացքում Աֆղանստանում ԻԼԻՊ-ի գործունեության առաջացման և ընդլայնման հիմնական գործոնը, և դեռևս նպաստում է Սիրիայից ու Իրաքից ահաբեկիչների Աֆղանստան տեղափոխմանը:
Ռուսաստանի կենտրոնական ռազմական օկրուգի փոխհրամանատար գեներալ Ռուստամ Մինկաևը 2021 թվականի հոկտեմբերի սկզբին հայտարարել է.«Տեղեկություններ կան, որ ահաբեկչական խմբավորումների հետ կապված զինյալները Սիրիայում և Իրաքում ԱՄՆ-ի վերահսկողության տակ գտնվող տարածքներից շարժվում են դեպի Աֆղանստան:
ԱՄՆ-ն ձգտում է ԻԼԻՊ-ին որպես գործիք օգտագործել իր մրցակիցների՝ Ռուսաստանի և Չինաստանի դեմ, և հաշվի առնելով Աֆղանստանի մերձավորությունը Չինաստանին և Կենտրոնական Ասիային, աջակցել ԻԼԻՊ -ին և ահաբեկիչներին տեղափոխել Աֆղանստան ՝ Ռուսաստանի ու Չինաստանի վրա ճնշում գործադրելու և նրանց համար անվտանգության խնդիրներ ստեղծելու նպատակով:
