Մեկնաբանություն- Հայաստանի ընդդիմությունը շարունակում է հակակառավարական բողոքի ցույցերը
Նիկոլ Փաշինյանի կառավարության հակառակորդները շարունակում են բողոքի ցույցերը Հայաստանի մայրաքաղաք Երևանում։
Նիկոլ Փաշինյանի կառավարության ընդդիմախոսները համոզված են, որ Հայաստանի վարչապետը, ի լրումն այն զիջումներին, որոնք արել է Ադրբեջանի Հանրապետությանը Լեռնային Ղարաբաղի տասը հոդվածից բաղկացած խաղաղության համաձայնագրի կամ Հայաստանի հանձնման մասին փաստաթղթի ստորագրման ժամանակ, փորձում է նոր զիջումների գնալ սահմանազատման հարցում: Ընդդիմադիրները պնդում են, որ հակակառավարական ցույցեր կազմակերպելով՝ մտադիր են թույլ չտալ Փաշինյանի կառավարությանը Հայաստանի քաղաքական ու տնտեսական զարգացմանը հակասող ծրագրեր իրականացնել։ Այս պայմաններում Երևանի կառավարության դեմ բողոքի ակցիաները և Հայաստանի վարչապետ Նիկոլ Փաշինյանի հրաժարականի պահանջները շարունակվում են:
Ազգային ժողովի փոխնախագահ, Փաշինյանի կառավարության ընդդիմության առաջնորդ՝ Իշխան Սաղաթելյանը վերջին երկու ամիսների բողոքի ցույցերի ժամանակ ասել է.«Ընդդիմությունը վճռական է Երևանում օտարերկրյա պատվիրակությունների ներկայության ժամանակ ներկայացնել իր պահանջները՝ այդպիսով բարձրացնել հայ ժողովրդի ձայնը տարածաշրջանում և աշխարհում»։
Դիմադրության հիմքը ձեւավորելու Երևանի կառավարության ընդդիմության ջանքերը պետք է դիտարկել որպես կառավարական ուժերին դիմակայելու ընդդիմության փորձ։ Միևնույն ժամանակ, կասկած չկա, որ Հայաստանի մեծ քաղաքներում դիմադրության բջիջների ձևավորումը վկայում է գալիք վատ օրերի մասին։ Փաստորեն, փոքրամասնություն կազմող, բայց ավելի ուժեղ ազգային նախապաշարմունքներ ունեցող Երեւանի իշխանության ընդդիմությունը, Ղարաբաղի հանձնման գործընթացը շարունակվելու դեպքում, հավանաբար, ծրագրում է զինել իր ուժերը:
Նիկոլ Փաշինյանի դեմ հակակառավարական ցույցերը տեղի են ունենում այն ժամանակ, երբ վերջին ամիսներին զգալիորեն ավելացել է Երևանի իշխանության հակառակորդների թիվը։ Վերջին երկու ամսում Հայաստանի անվտանգության ուժերն ու ոստիկանությունը բերման է ենթարկել ու կալանավորել հազարավոր ցուցարարների։
Ամեն դեպքում, Հայաստանի ներկա իրավիճակի ընդհանուր ամփոփման մեջ պետք է ասել.«Այս տարվա ապրիլին սկսված Երեւանի կառավարության դեմ բողոքի հերթական փուլը շարունակվում է անդադար։ Թեև վերջին շաբաթներին Փաշինյանի կառավարության ընդդիմությունը հակակառավարական ցույցերը կազմակերպում է շաբաթվա վերջին, սակայն Նիկոլ Փաշինյանի հրաժարականի պահանջով ցույցերը շարունակվում են: Այս առումով ուշագրավ է այն փաստը, որ ընդդիմությունը նախկինում փորձել է արագացնել Փաշինյանի հեռացումը Հայաստանի իշխանությունից՝ անցկացնելով արտահերթ խորհրդարանական ընտրություններ։ Բայց Հայաստանի Ազգային ժողովի ութերորդ գումարման խորհրդարանը և անկախությունից հետո առաջին արտահերթ ընտրություններն ավարտվեցին Փաշինյան կուսակցության հաղթանակով, և Հայաստանի իշխող կուսակցությունը կարողացավ միայնակ ստանալ ԱԺ մանդատների մեծամասնությունը։ Հայաստանի Ազգային ժողովի ընտրությունների ութերորդ փուլում ընդդիմության պարտությունը պատճառ է դարձել, որ Երևանի ընդդիմադիր կազմակերպությունները կրկին մարգինալացվեն։ Վերջին շրջանում, սակայն, Փաշինյանի իշխանության հակառակորդների թիվն ավելացել է՝ Բաքու-Երևան համաձայնագրի կետերի իրագործմամբ։
