Թեհրանը բողոք է ներկայացրել Ալբանիայի դեմ՝ Իրանի դեսպանատուն ներխուժման պատճառով
ՄԱԿ-ում ԻԻՀ մշտական ներկայացուցչությունը նամակով դիմել է կազմակերպությունում Ալբանիայի մշտական ներկայացուցչությանը՝ դատապարտելով այդ երկրի կառավարության գործողություններն ԻԻՀ դիվանագիտական և հյուպատոսական կառույցների դեմ:
Նամակում, որի պատճենն ուղարկվել է ՄԱԿ-ի գլխավոր քարտուղար Անտոնիո Գուտերեշին, նշվել է, որ Իրանի Իսլամական Հանրապետությունը խստորեն դատապարտում է Ալբանիայի ոստիկանական ուժերի (2022 թվականի սեպտեմբերի 8-ին) Տիրանայում իր դիվանագիտական և հյուպատոսական շենքերի նկատմամբ բռնության բոլոր գործողությունները և առանց Իրանի իշխանությունների թույլտվության Իրանի դիվանագիտական կառույցներ մուտք գործելը:
Տիրանայում ԻԻՀ դեսպանատան վրա իրականացված թշնամական հարձակումը հակասում է դիվանագիտական վայրերի և դիվանագետների անձեռնմխելիության վերաբերյալ միջազգային բոլոր կանոնակարգերին և օրենքներին։ Ուստի Իրանը Ալբանիայի կառավարությանը կոչ է արել հարգել դիվանագիտական և հյուպատոսական հարաբերություններին իշխող միջազգային իրավունքի բոլոր սկզբունքներն ու կանոնները՝ համաձայն Վիեննայի 1961 և 1963 թվականների կոնվենցիաների և ՄԱԿ-ի Գլխավոր ասամբլեայի բանաձևերի, այդ թվում՝ անձեռնմխելիության, վերաբերյալ և ապահովել դիվանագիտական և հյուպատոսական վայրերի անվտանգությունը:
Հակաիրանական գործողության համար Տիրանայի կառավարության պատճառաբանությունն Իրանի դեմ ուղղված մեղադրանքն է՝ Ալբանիայի ենթակառուցվածքների դեմ զանգվածային կիբերհարձակման վերաբերյալ: Այդ հիմամբ Ալբանիան չորեքշաբթի օրը խզել է դիվանագիտական հարաբերությունները Թեհրանի հետ: Իրանի արտաքին գործերի նախարարությունը հերքելով Ալբանիայի կառավարության անհիմն մեղադրանքները, հայտարարել է, որ այս երկրի որոշումը նման պատրվակով, միջազգային հարաբերություններում անհեռատես և չկշռադատված քայլ է:
Տիրանայի թշնամական գործողությունը արժանացել է արևմտյան երկրների՝ ներառյալ ԱՄՆ-ի, Բրիտանիայի և ՆԱՏՕ-ի լիակատար աջակցությանը, և համաձայնեցված դիրքորոշմամբ, նրանք Իրանին ճանաչել են Ալբանիայի վրա վերջին կիբերհարձակման պատասխանատու: Այս դիրքորոշումը խստորեն դատապարտվել է Թեհրանի կողմից և դիտարկվել որպես կիբերհարձակումների ոլորտում Արևմուտքի երկակի մոտեցման ևս մեկ խորհրդանիշ։ Փաստորեն, ԱՄՆ-ը, որն աշխարհում կիբերհարձակումների ամենամեծ հեղինակներից է, այլ երկրների դեմ կիբեր հարձակումներն այդ թվում՝ Սիոնիստական ռեժիմի կողմից Իրանի միջուկային օբյեկտների վրա Stuxnet վիրուսով հարձակումը, համարում է համահունչ իր ազգային շահերին և անվտանգությանը: Սակայն, երբ Վաշինգտոնը նրա դաշնակիցները, օրինակ՝ Ալբանիան, որը ՆԱՏՕ-ի անդամ է, եթարկվում են կիբերհարձակման, ԱՄՆ-ն բողոքի ալիք է բարձրացնում և սպառնում նրանց պատասխան քայլերով։
Իրանի արտաքին գործերի նախարարության խոսնակ Նասեր Քանանին, հերքելով Ալբանիայի վրա կիբերհարձակման մեջ Իրանի դերակատարության մասին Վաշինգտոնի և Լոնդոնի հայտարարություններն ասել է.«ԱՄՆ-ը և Բրիտանիան, որոնք նախկինում լռել են Իրանի Իսլամական Հանրապետության ենթակառուցվածքի, նույնիսկ միջուկային օբյեկտների դեմ բազմաթիվ կիբերհարձակումների վերաբերյալ և նույնիսկ ուղղակիորեն կամ անուղղակիորեն աջակցել են նման գործողություններին, իրավասու չեն նման մեղադրանք հնչեցնել Իրանի դեմ»:
Իրանի դեմ Ալբանիայի նոր մեղադրանքներն և թշնամական գործողությունները կատարվել են հակաիրանական քաղաքականության և գործողությունների շրջանակում Վաշինգտոնի հետ Տիրանայի կառավարության համագործակցությանը համահունչ։ Այս համատեքստում ամենակարևոր դեպքերից է՝ Մոնաֆեղին ահաբեկչական խմբավորման տարրերի հյուրընկալությունն ԱՄՆ-ի ճնշմամբ և ՆԱՏՕ-ի մյուս անդամների հետ համադրաբար, երբ ահաբեկիչները վտարվեցին Իրաքից: իսկ Ալբանիայից նրանք կարողացան շարունակել լրտեսական և դիվերսիոն գործողությունները Իրանի ժողովրդի դեմ: Հարկէ նշել, որ մոնաֆեղին խմբավորումը ամեն տարի Տիրանայում նիստ է անցկացնում հրավիրելով հակաիրանական գործիչների , սակայն այս խմբավորման այս տարվա նիստը չեղարկվել է անվտանգության նկատառումներից ելնելով։