Մեկնաբանություն-Թուրքիան փրկվել է Եվրամիության շարունակական գաղութացումից

Եվրախորհրդարանը Թուրքիայի նախագահի պաշտոնում Ռեջեփ Թայիփ Էրդողանի վերընտրվելը որպես խոչընդոտ է համարել այդ երկրի՝ Եվրամիությանն անդամակցելու ճանապարհին:

 Եվրախորհրդարանը հրապարակել է զեկույց, որում ասված է,-«Ընտրություններից առաջ և դրանց արդյունքներից զատ,  ԵՄ-ին Թուրքիայի անդամակցության գործընթացը չէր կարող շարունակվել։ Որովհետեւ այս գործընթացը շարունակելու համար Թուրքիայում պետք է արմատական ​​փոփոխություն տեղի ունենա, եւ բարենպաստ բարեփոխումներով չուղեկցվող գործընթացի շարունակումը  բացասական ազդեցություն  է ունենալու»: 

Եվրախորհրդարանի հրապարակած զեկույցի համաձայն՝ Անկարայի կառավարության հետ հարաբերությունների վերաբերյալ այս կառույցը կարծում է, որ Եվրամիությանը Թուրքիայի անդամակցության հարցը փակված է   և դրա փոխարեն պետք է փնտրել ու գտնել իրատեսական այլընտրանք և շրջանակ։

Անցած տասնամյակում  Ռեջեփ Թայիփ Էրդողանի ղեկավարությամբ  Անկարայի կառավարության կողմից արևմտյան կառավարություններից  անկախ  քաղաքականության որդեգրումը  մտահոգել է  Միացյալ Նահանգներին և Եվրամիությանը։ 

Հատկապես վերջին մի քանի տարիներին Թուրքիայի անդամակցությունը Եվրամիությանը խափանվել  է:  Այնպես որ,  գործնականում Էրդողանի կառավարության համար այս գործընթացն այլևս առաջնահերթություն չէ:  Եվրոպական կողմը դադարեցրեց այս գործընթացը  Թուրքիայի դատարանների կողմից  Ժողովուրդների դեմոկրատական ​​կուսակցության նախկին ղեկավար Սալահեդդին Դեմիրթաշի, ինչպես նաև Օսման Քավալայի համար կայացրած ազատազրկման վճռից հետո։

Այժմ թվում է, թե կողմերից և ոչ մեկը, տարբեր պատճառներով, ցանկություն չի ցուցաբերում բանակցել Թուրքիայի՝ Եվրամիություն վերադառնալու համար։ Միևնույն ժամանակ, Եվրամիության կողմից Թուրքիայի անդամակցության դիմումը  անտեսվելու պատճառով,  Անկարայի կառավարության պաշտոնյաները բազմիցս քննադատել են  այս  եվրոպական  կառույցին: 

Ներկա գործընթացով, տարածաշրջանի անկախ շրջանակների  շատ փորձագետներ  համոզված են, որ Անկարայի կառավարությունը և թուրք ժողովուրդը փրկվել են ԱՄՆ-ի և Եվրամիության գաղութացումից: Թեև Թուրքիայի արդյունաբերական և տնտեսական կախվածությունը արևմտյան կառավարություններից դեռևս համարվում է երկրի խնդիրներից մեկը, սակայն անկասկած,  Թուրքիայի  ժողովուրդը կարող է  անկախանալ արևմտյան կառավարություններից:

Թուրքիայի քաղաքական գործիչներն ու ժողովուրդն ապացուցել են այն ճշմարտությունը, որ դեմ են իրենց երկրի ներքին գործերին արևմտյան կառավարությունների միջամտությանը և չեն կարող լինել տարածաշրջանում արևմտյան կառավարությունների հրամաններ կատարողները։ Այս առնչությամբ պետք է ասել.-«Չնայած որոշակի ռազմական օգնություն ստանալուն, անկասկած, ՆԱՏՕ-ի ռազմական կազմակերպությանը Թուրքիայի անդամակցության շարունակումը վնասում է այս երկրի կառավարությանն  ու ժողովրդին: 

Թուրքիայի 13-րդ նախագահական ընտրությունների առաջին փուլի նախօրեին անգլիական Economist ամսագիրը իր շապիկի պատկերը նվիրել է այդ երկրի ընտրություններին և բացահայտորեն գրել.-«Էրդողանը պետք է հեռանա, քայլեր ձեռնարկե՛ք  ձեր քվեով ժողովրդավարությունը փրկելու համար»:

Ամերիկյան Washington Post-ը տպագրած հոդվածում Թուրքիայի ընտրությունները գնահատել է որպես դարի կարևորագույն ընտրություններ և հայտարարել. -«Քեմալ Քըլըչդարօղլուի իշխանության գալուց հետո Թուրքիայում և տարածաշրջանում նոր դարաշրջան է սկսվելու»։

Արեւմտյան կառավարություններին կից լրատվամիջոցների այս դիրքորոշումները գնալով ավելի շատ հիմքեր են տալիս թուրք ժողովրդի իրազեկման համար։ Փաստորեն, Քեմալ Քըլըչդարօղլուն, ով բոլոր հարցումներով առաջ է անցել Ռեջեփ Թայիփ Էրդողանից, բուն ընտրություններում հետ է մնացել «Հանրապետական դաշինք»-ի թեկնածուից։

Թուրքիայի ժողովուրդը ցույց է տվել, որ չի ընդունում անվերապահորեն  Արևմուտքին  հետևելը և նրա պահանջներին ենթարկվելը և ցանկանում է անկախություն։ Այս ֆոնի վրա և՛ Թուրքիայի կառավարությունը հուսահատվել է Եվրամիությանն անդամակցելուց, և՛ Եվրամիությունը ցանկություն չունի,որ առանց մշակութային փոփոխությունների անկախ Թուրքիան միանա  այդ կառույցին: