Մեկնաբանություն- Անդրադարձ 33-օրյա պատերազմի տարելիցի առիթով Սեյեդ Հասան Նասրոլլահի ելույթին

Լիբանանի Հըզբոլլահի գլխավոր քարտուղար Սեյեդ Հասան Նասրոլլահի ելույթը 2006 թվականի 33-օրյա պատերազմում Սիոնիստական ​​բանակի դեմ տարած հաղթանակի 17-րդ տարելիցին, ինչպես միշտ, համապարփակ էր և պարունակում էր օրվա կարևորագույն հարցերի պատասխանները։

Այս հարցերից մեկը, որը վերջին մի քանի օրերին իսլամական և արաբական երկրներում բողոքի ցույցերի ալիք բարձրացրեց և ի վերջո հանգեցրեց ՄԱԿ-ի Մարդու իրավունքների խորհրդի նիստին, Շվեդիայում Սուրբ Ղուրանի այրումն էր այդ երկրի ոստիկանության աջակցությամբ և քրիստոնյա մի իրաքցու ձեռամբ: Եվ այս համատեքստում Սեյեդ Հասան Նասրոլլայի խոսքերը նոր էին, քանի որ նա բացահայտեց Սուրբ Ղուրանը պղծողի և Մոսադի միջև կապը:

Մինչ այս, ենթադրվում էր, որ Սիոնիստական ​​ռեժիմը, հրահրելով պառակտումը մուսուլմանների և քրիստոնյաների միջև, մտադիր է հասարակական կարծիքը շեղել դեպի այս հարցը՝ գրավյալ պաղեստինյան տարածքներում սիոնիստական բնակավայրերի ընդլայնման համար անվտանգ լուսանցք ստեղծելու նպատակով: Ջենինում սիոնիստական բանակի գործողությամբ այդ ենթադրությունն ուժեղացավ, և Շվեդիայում Սուրբ Ղուրանը պղծողի և իսրայելական լրտեսական կազմակերպության միջև կապի մասին Սեյյեդ Հասան Նասրոլլահի բացահայտ հայտարարություններով այդ ենթադրությունը հաստատվեց:

Այս հարցը բացահայտվելով, քրիստոնյաների և արևմտյան երկրների համար պատասխանատվություն է առաջանում պատշաճ կերպով արձագանքել սիոնիստների պառակտիչ դավադրություններին և թույլ չտալ, որ Սիոնիստական ​​ռեժիմը դրանք օգտագործի քաղաքական և ծավալապաշտական նպատակներով:

Սեյեդ Հասան Նասրոլլայի ելույթի մեկ այլ ուշագրավ կետը 2006 թվականի 33-օրյա պատերազմն էր, և Նասրոլլահի ելույթը այդ պատերազմի 17-ամյակի կապակցությամբ էր։ Թերևս այս խոսքերի նորությունը այն տեսակետից էր, որ Սեյյեդ Հասան Նասրոլլահը մատնանշեց Լիբանանում այնպիսի տարածքների առկայությունը, ինչպիսիք են Ղեջեր գյուղը և Շաբաայի դաշտերը, որոնք դեռևս գտնվում են Սիոնիստական ​​ռեժիմի օկուպացիայի տակ: Այս խոսքերը պարունակում էին պատգամ, թե հնարավոր է, որ 33-օրյա պատերազմ առջևում լինի, քանի որ այս ռեժիմը գրավում է լիբանանյան տարածքի մի մասը, և որ շարունակում է իր սադրիչ գործողությունները, ուստի հնարավոր է, որ այդ գործողությունների շարունակությունը հանգեցնի նոր պատերազմի:

Եվ Սեյյեդ Հասան Նասրոլլահի խոսքերի երրորդ կետը վերաբերում էր Ջենինի վերջին պատերազմին, որը սիոնիստական ​​բանակը հանկարծակի իրականացրեց՝ 3000 զինվոր մոբիլիզացնելով Ջենինում գտնվող պաղեստինյան փախստականների ճամբարում, բայց երկու օրից էլ քիչ ժամանակում՝ առանց նպատակներին հասնելու, գիշերով հետ քաշեց իր ուժերը, թեև  թողել է մեծ ավերածություններ, ինչը միջազգային սկզբունքների և օրենքների համաձայն համարվում է ռազմական հանցագործություն։

Եթե ​​սիոնիստական ​​բանակը չավարտեր իր ռազմական գործողությունները Ջենինում, և այս գործողությունը համընկներ 2006 թվականի 33-օրյա պատերազմի 17-րդ տարելիցին, ապա հավանական էր, որ Հեզբոլլահը ևս մուտք կգործեր և խաղեստինյան խմբավորումները կմիավորվեին, ինչը մղձավանջ է Սիոնիստական ռեժիմի համար և որից խուսափում է այդ ռեժիմը:

Դա նշանակում է, որ 33-օրյա պատերազմի կրկնվելը կամ չկրկնվելը կախված է հատկապես Հորդանան գետի Արևմտյան ափում Սիոնիստական ռեժիմի վարվելակերպից և եթե այդ ռեժիմը շարունակի փորձի քաղաքատիպ ավանների ընդլայնման քաղաքականությունը՝ այդ տարածքները ևս բռնագրավված Պաղեստինին կցելու համար, պատերազմն անխուսափելի կլինի: