Մամուլի տեսություն 5.01.2024

Իրանական մամուլը շարունակում է մնալ Քերմանում տեղի ունեցած վերջին  ահաբեկչության ազդեցության տակ է։ Չնայած ԻԼԻՊ-ը ստանձնել է այս հարձակման պատասխանատվությունը, սակայն հարցն այն է, թե ով է ստեղծել ԻԼԻՊ-ը: Ի՞նչ աջակցություն է ստացել ԻԼԻՊ-ը Ամերիկայից և Իսրայելից։

Շարղ

Քերմանում ահաբեկչական պայթյունի հետևանքով 20 աշակերտ է զոհվել ։ Մեկ ընտանիքից 4 աշակերտ  է նահատակվել

Իրանի կրթադաստիարակության նախարարի խորհրդականը հայտարարել է, որ Քերմանի Նահատակների բուրաստանում տեղի ունեցած ահաբեկչական պայթյունի ժամանակ զոհվել է մոտ 20 քերմանցի աշակերտ։

Նա ասաց. «Մեր ունեցած՝ զոհված աշակերտների  անունների ցանկի համաձայն, մեկ ընտանիքից զոհվել է տարրական դպրոցում սովորող չորս աշակերտ》։

Իրան

《Ալ-Աղսա փոթորիկ》 գործողությունը Նեթանյահուի վերջին կանգառը

Հոկտեմբերի 7-ի 《Ալ-Աղսա փոթորկի》 գործողության մեծ մասշտաբները  իսրայելցի ավանաբնակների համայնքի մոտ անվտանգության պակասի զգացում առաջացրեցին և այս համայնքը կրկին կանգնեցրեց գոյաբանական՝ լինել թե չլինել հարցերի առաջ: Բնականաբար, սիոնիստների ​​նախագիծը ավանների կառուցման վրա հիմնված նախագիծ է։ Այսինքն հրեաներն այս երկրամաս են բերվել և բերվում աշխարհի տարբեր ծայրերից՝ օրինական պետության հաստատումից առաջ և շարունակվում է մինչ օրս։ Նոր ավաններ են կառուցում՝ նրանց այնտեղ բնակեցնելու համար։

Դոնհայե էղթեսադ

Արդյո՞ք սպառվում են եվրոպական նավթային ավազանների պաշարները։

Հյուսիսային ծովի պաշարներից նավթի և գազի արդյունահանման վերաբերյալ տվյալները ցույց են տալիս արդյունահանման մակարդակի զգալի նվազում՝ 1998 թվականին դրա գագաթնակետից ի վեր, ինչը վկայում է նավթային ավազանների պաշարների սպառման մասին:

Վերջին 25 տարում Հյուսիսային ծովի ածխաջրածնային պաշարներից նավթի և գազի արդյունահանումը նվազել է առնվազն 70 տոկոսով և 1970-ականների 4 մլն 500 հազար բարելից հասել է մինչև 1 մլն 300 հազար բարելի՝ 2023 թվականին։

Հակասական քաղաքական դիրքորոշումները, Լեյբորիստական ​​կուսակցության կողմից հորատման թույլտվությունների կասեցումը, պահպանողականների աջակցությունը և ներդրումների գրավչության նվազման հետ կապված մտահոգությունները ավելացրել են տարածաշրջանի ապագայի շուրջ անորոշությունները՝ բարդացնելով դրա հեռանկարը:


Էթեմադ
Մոսկվան օտարերկրացի ուժերին Ռուսաստանի քաղաքացիություն է շնորհում

Ռուսաստանի կառավարությունը Ռուսաստանի քաղաքացիություն է շնորհում այն ​​օտարերկրացի մարտիկներին, ովքեր պայմանագրեր են կնքել այդ երկրի բանակում ծառայելու համար։

Այս օրենքը ստորագրվել է Պուտինի կողմից, և նույն իրավունքը կիրառելի է զինծառայողների կանանց և երեխաների համար։

Ջամեջամ

Microsoft Windows-ի ստեղնաշարին է ավելացվում Արհեստական ​​ինտելեկտի կոճակը

Microsoft ընկերությունը  կոճակ է ավելացնում Windows-ի ստեղնաշարին՝ իր 《AI Copilot》արհեստական ինտելեկտի ծառայությունն ակտիվացնելու համար, և այս նոր կոճակով առաջին համակարգիչները կթողարկվեն այս ամիս:

News.am

ՌԴ-ն չի խանգարում ԱՄՆ-ին կարևոր ջանքեր գործադրել, որոնք անհրաժեշտ են Երևանին և Բաքվին. Պետդեպ

Ոչ, Ռուսաստանը ոչ մի կերպ մեզ չի խանգարում կարևոր դիվանագիտական ​​ջանքեր գործադրել, որոնք, կարծում ենք, անհրաժեշտ են Հայաստանին և Ադրբեջանին, և մենք կշարունակենք իրականացնել դրանք։ Այս մասին հայտարարել է ԱՄՆ Պետդեպարտամենտի պաշտոնական ներկայացուցիչ Մեթյու Միլլերը՝ պատասխանելով հարցին, թե արդյոք Ռուսաստանը կանխում է այս հարցում առաջընթացը:

Panorama.am

ԱՄՆ-ն Ադրբեջանն ընդգրկել է Կրոնական ազատության դիտարկման ցանկում՝ Արցախում սրբավայրերի վտանգման պատճառով

Միացյալ Նահանգներն Ադրբեջանն ընդգրկել է Կրոնական ազատության դիտարկման ցանկում՝ Արցախի Հանրապետության նկատմամբ վերահսկողություն հաստատելուց հետո կրոնական ազատության լուրջ խախտումներում ներգրավված լինելու կամ դրանք հանդուրժելու համար: Այս մասին գրում է «Ազատությունը»։ 

Պետքարտուղար Էնթոնի Բլինքենը երեկ հայտարարել է, որ Ադրբեջանից բացի ցանկում ընդգրկվել են նաև Կենտրոնաֆրիկյան Հանրապետությունը, Կոմորոսը և Վիետնամը:

Պաշտոնական Վաշինգտոնի այս որոշումը հաջորդել է Լեռնային Ղարաբաղում քրիստոնեական սրբավայրերի պահպանման առնչությամբ Միջազգային կրոնական ազատության հարցերով Միացյալ Նահանգների հանձնաժողովի բարձրաձայնած մտահոգություններին:

2023 թվականի սեպտեմբերի 19-20-ը Լեռնային Ղարաբաղում Ադրբեջանի իրականացրած ռազմական ագրեսիայի հետևանքով Արցախի գրեթե ամբողջ հայ բնակչությունը՝ շուրջ 105 հազար մարդ, ստիպված եղավ հեռանալ Հայաստան:

Ամերիկյան հանձնաժողովը տագնապ է հնչեցրել նաև Իլհամ Ալիևի ղեկավարած՝ մահմեդական մեծամասնություն ունեցող երկրում կրոնական գործունեության կարգավորումների առնչությամբ, այդ թվում՝ կրոնական կազմակերպությունների գրանցման և պաշտոնական մարմնի կողմից նրանց գրականության հաստատման պահանջների:

News.am

Իրանով տրանսպորտային նախագծի իրականացումը չի նշանակում, որ Հայաստանով երթուղին այլևս չի դիտարկվելու։ Մենք պատրաստ ենք աշխատել Հայաստանի հետ այս հարցում։ Այս մասին Berliner Zeitung-ին տված հարցազրույցում ասել է նախագահի արտաքին քաղաքականության գծով օգնական Հիքմեթ Հաջիևը։

«Հայաստանով Նախիջևանի հետ տրանսպորտային կապերը չեն ազդի Հայաստանի  ինքնիշխանության վրա։ Մենք պատրաստ ենք դիտարկել այնպիսի մոդելներ, ինչպիսին Կալինինգրադն է»,- հավելել է նա։

Yerevan.Today

Ադրբեջանում այս պահին հաստատված 23 գերի է պահվում. Արգիշտի Քյարամյան

Այս պահին Ադրբեջանի կողմից հաստատված 23 գերի կա, որոնցից 17-ը 2023 թվականի ագրեսիայի հետևանքով պատանդառված անձինք են, «Լուրերին» հայտնել է ՀՀ քննչական կոմիտեի նախագահ Արգիշտի Քյարամյանը։

«44-օրյա պատերազմից հետո 32 անձի բռնի անհետացման վերաբերյալ ունենք փաստական տվյալներ, որոնք ներկայացվել են  վերպետական ատյանների»,-տեղեկացրել է Քյարամյանը։

Նա նշել է, որ 22 անձի վերաբերյալ կա նաև ՄԻԵԴ միջանկյալ միջոց կիրառելու մասին որոշումներ, սակայն այս անձանց բռնի անհետացման փաստն Ադրբեջանը հերքում է։

tert.am

Հյուսիսային Կորեան մոտ 200 արկ է արձակել հարավկորեական կղզիների ուղղությամբ, հայտարարվել է բնակչության տարհանում

Հյուսիսային Կորեան ավելի քան 200 արկ է արձակել Հարավային Կորեայի կղզիների ուղղությամբ, որոնք գտնվում են Դեղին ծովում: «Արմենպրես»-ի փոխանցմամբ՝ այդ մասին հայտնում է Yonhap գործակալությունը։

Ըստ Կորեայի Հանրապետության զինված ուժերի շտաբների պետերի միացյալ կոմիտեի՝ արձակումը տեղի է ունեցել հունվարի 5-ի առավոտյան, տեղի ժամանակով ժամը 9։00-ից մինչև 11։00-ն ընկած ժամանակահատվածում։

Գործակալության տվյալներով` հարավկորեացի խաղաղ բնակիչների և զինվորականների շրջանում տուժածներ չկան։ Արկերն ընկել են Դեղին ծովի բուֆերային գոտում, որը սահմանվել է 2018 թ․ միջկորեական ռազմական համաձայնագրի շրջանակներում, որից դուրս գալու մասին Հյուսիսային Կորեան հայտարարել է 2023 թ․ նոյեմբերին։

Տեղի ժամանակով կեսօրից հետո Հարավային Կորեայի զինվորականները երկրի արևմտյան սահմանին գտնվող Յոփյոնդո և Պենյոնդո կղզիների բոլոր բնակիչներին հրահանգել են տարհանվել։

Հարավային Կորեայի ռազմական գերատեսչությունը Հյուսիսային Կորեայի կողմից արկերի արձակումն անվանել է «սադրիչ գործողություն» և նախազգուշացրել, որ համապատասխան քայլեր կձեռնարկի։ Ի պատասխան արկերի արձակման՝ Սեուլը նախատեսում է զորավարժություններ անցկացնել հյուսիս-արևմտյան սահմանային կղզիներում։

tert.am

Հարավային Կորեան զորավարժություններ է անցկացրել Դեղին ծովի կղզիներում՝ ի պատասխան ԿԺԴՀ-ի կողմից գնդակոծման

Հարավային Կորեայի զինված ուժերը վարժական հրաձգություններ են անցկացրել՝ ի պատասխան ԿԺԴՀ-ի կողմից Յոնփյոնդո և Պենյոնդո կղզիների մերձակայքի ջրերի գնդակոծության։ «Արմենպրես»-ի փոխանցմամբ՝ այս մասին հայտնում է Yonhap գործակալությունը։

Ըստ Կորեայի Հանրապետության զինված ուժերի շտաբների պետերի կոմիտեի՝ զորավարժություններին մասնակցել են ծովային հետևակի ստորաբաժանումները, որոնք տեղակայված են Յոնփյոնդո և Պենյոնդո կղզիներում։ Հարավկորեական կողմը գնդակոծել է ջրային տարածքը, զորավարժություններին ներգրավվել են K9 ինքնագնաց հրետանային կայանքներ։

Հիշեցնենք, այսօր տեղի ժամանակով ժամը 9։00-ից մինչև 11։00-ն ընկած ժամանակահատվածում Հյուսիսային Կորեան ավելի քան 200 արկ է արձակել Յոնփյոնդո և Պենյոնդո կղզիների ուղղությամբ։ Արկերն ընկել են Դեղին ծովի բուֆերային գոտում, տուժածներ չկան։ Հարավային Կորեայի զինվորականները երկու կղզիների բնակիչներին հրահանգել են տարհանվել։