Շարունակվում են ԼՂ-ի հակամարտության շուրջ խորհրդակցությունները
ԼՂ-ի հակամարտության կարգավորման շուրջ Մինսկի խմբի համանախագահների խորհրդակցությունները շարունակվում են:
Ռուսաստանի և Ֆրանսիայի ԱԳ նախարարներ Սերգեյ Լավրովն ու Ժան Մարք Այրոն ուրբաթ օրը ԼՂ-ի հարցով հեռախոսային զրույց են ունեցել:
Փորձագետները ԼՂ-ի հակամարտության կարգավորման շուրջ Մինսկի խմբի համանախագահների խորհրդակցությունները կարևոր են համարում հակամարտության կողմերի և տարածաշրջանի այլ երկրների համար: Չնայած Մոսկվայում Բաքվի ու Երևանի ղեկավարների կուլիսյան համաձայնության շուրջ տարածված շշուկներին, թվում է, որ Երևանյան որոշ զարգացումներն ինչ-որ կերպով համարվում են այդ իրադարձության բացասական արձագանքը: Երևանի ոստիկանության կենտրոնում պատանդառության դեպքը և Երևանում ու Հայաստանի այլ քաղաքներում բողոքի հանրահավաքները պիտի Մոսկվայի միջնորդությամբ Բաքվի ու Երևանի իշխանությունների վերջին համաձայնության դեմ ուղղված բողոք համարել: Նույնությամբ շարունակվող այս հանրահավաքները կարող են խոչընդոտել խաղաղության ներկա բանակցությունները:
Հիշեցնենք, որ սրանից առաջ երկու անգամ նման բողոքները խանգարել են խաղաղության համաձայնագրի ստորագրմանը: 1997 թվականին ՀՀ ժամանակի նախագահ Լևոն Տեր Պետրոսյանի դեմ վարչապետ Ռոբերտ Քոչարյանի բողոքները հանգեցրին նախագահի հրաժարականին: Ասվում է, թե այդ տարի Ադրբեջանի նախագահ Հեյդար Ալիևն ու Հայաստանի նախագահը կանգնած են եղել խաղաղության համաձայնագրի ստորագրման սեմին: Սակայն ժամանակի վարչապետ Ռոբերտ Քոչարյանը կառավարության ու բանակի շարքերում դժգոհությունների միջոցով կասեցրել է համաձայնության գործադրումը:
Ներկա պայմաններում Ռուսաստանի և Ֆրանսիայի ԱԳ նախարարների հեռախոսազրույցը մեծ նշանակություն ունի: Հատկապես որ պատմությունը կարող է կրկնվել: Պիտի ասել, որ նախօրեին ՀՀ նախագահ Սերժ Սարգսյանը Մոսկվայում Ռուսաստանի նախագահի հետ զրուցել է ԼՂ-ի հակամարտության կարգավորման շուրջ:
Միևնույն ժամանակ Ռուսաստանի և Ֆրանսիայի ԱԳ նախարարների հեռախոսազրույցից հետո Ադրբեջանի պաշտպանության նախարար Զաքիր Հասանովը խորհրդակցությունների նպատակով մեկնել է Մոսկվա: Այս ուղևորության ընթացքում քննարկվեց Ռուսաստանից երկու երկրի սպառազինության գնումների հարցը: Ռուսաստանի նախագահ Վլադիմիր Պուտինը այդ հանդիպումներում կրկնել է իր երկրի նախկին դիրքորոշումը: Պուտինի ընդգծմամբ Ռուսաստանը շարունակելու է զենք վաճառել Ադրբեջանին ու Հայաստանին և այդ ուղղությամբ որևէ մտահոգություն չունի:
Սերժ Սարգսյանը Մոսկվա կատարած իր վերջին ուղևորության ընթացքում հայտարարեց. «Նման հակամարտությունը անհնար է լուծել` հղում կատարելով հետևանքների, այլ ոչ թե պատճառների վերացմանը: Ղարաբաղյան խնդրի էությունը Ղարաբաղի ժողովրդի պայքարն է ինքնորոշման համար: Դա բոլոր ժողովուրդների անքակտելի իրավունքն է: Խնդրի լուծումը այդ իրավունքի հարգումն ու ապահովումն է»:
Իրականում Հայաստանի ներքին զարգացումները սերտորեն առնչվում են ԼՂ-ի խաղաղության բանակցությունների գործընթացին և կարող են կրկին անգամ ազդել դրա վրա: