Թուրքիայի ոտնձգությունը Սիրիայում. Դամասկոսը ՄԱԿ-ի օգնության է դիմել
Սիրիայի կառավարությունը ՄԱԿ-ից խնդրել է ճնշում գործադրելնԹուրքիայի վրա՝ իր բանակայիններին Սիրիայից հեռացնելու և Սիրիայի անկախությունն ու տարածքային ամբողջականությունը հարգելու համար:
ՄԱԿ-ի և Անվտանգության խորհրդի ղեկավարներին հղած երկու առանձին նամակներում Սիրիայի արտգործնախարարությունը հայտարարել է, որ երկրի տարածքային ամբողջականության խախտումը և այս երկրում Թուրքիայի կողմից իրականացվող ռազմական գործողությունը պատերազմական և մարդկության դեմ ուղղված ոճրագործություն է համարվում:
Թուրքիայի ռազմացամաքային և ավիացիոն ուժերի աջակցությամբ, «Սիրիայի ազատ բանակ» խմբավորման աշխարհազորայինները ԻԼԻՊ-ի ահաբեկիչների ներկայությունից մաքրել են Հալեպ նահանգի Ջերաբլուս քաղաքի հարավում արևմուտքում գտնվող 18 գյուղեր:
Թուրքիան այն պայմաններում է խախտում իր հարևան պետության տարածքային ամբողջականությունը, երբ այդ երկրում իր բանակայինների ներկայության մասին ոչ մի համաձայնագիր չի ստորագրել և սիրիացի պաշտոնատարները ևս նման դիմում չեն ներկայացրել Թուրքիայի կառավարությանը:
Վերջին տարիների ընթացքում, Սիրիայում ճգնաժամը սկսվելուց հետո, Թուրքիան հարևանների հետ լարվածությունների նվազեցման քաղաքականության փոխարեն, Միջին Արևելքում միջամտողական, լարվածություն առաջացնող չկշռադատված քաղաքականություն է վարել:
Թուրքիայի ղեկավարների արկածախնդրությունը չի համապատասխանում տարածաշրջանում խաղաղություն ու կայունություն հաստատելու և ահաբեկչության դեմ պայքարի մասին հնչեցրած կարգախոսներին և Անկարայի արտաքին քաղաքականությունը մթնոլորտն ավելի է լարել Միջին Արևելքի լարված տարածաշրջանում:
Առանց Սիրիայի կառավարության թույլտվության, այդ երկրում թուրք բանակայինների տեղաշարժերը միջազգային օրենքներին և բարիդրացիական սկզբունքներին հակասող ոտնձգություն է համարվում:
Ցանկացած երկրում ռազմական գործողություն ՄԱԿ-ի Անվտանգության խորհրդի թույլտվություն է պահանջում: Սակայն առանց Անվտանգության խորհրդի թույլտվության, ԻԼԻՊ-ի դեմ կոալիցիա ձևավորելու ԱՄՆ-ի նախագահ՝ Բարաք Օբամայի քայլին հետևելով, շարունակվում են այսպիսի նորարարությունը, որոնք վտանգավոր են միջազգային անվտանգության ու խաղաղության համար:
ԻԼԻՊ-ի դեմ պայքարի պատրվակով, չի կարելի խախտել Սիրիայի տարածքային ամբողջականությունն ու անտեսել այդ երկրի ինքնիշխանությունը:
Ամեն դեպքում, արտաքին քաղաքականության ոլորտում Թուրքիայի իրարամերժ և ոչ թափանցիկ քայլերը, ինչպես նաև ահաբեկչական խմբավորումների, այդ թվում ԻԼԻՊ-ի հետ Թուրքիայի գաղտնի ու բացահայտ կապերը, լուրջ կասկածներ են առաջացրել ԻԼԻՊ-ի դեմ պայքարի վերաբերյալ Թուրքիայի հայտարարությունների կապակցությամբ:
Նկատի առնելով Թուրքիայի անօրինական և միջամտողական քայլերը, Սիրիայի կառավարությունն իր իրավունքը համարվող պատասխան քայլի դիմելու փոխարեն, օրինական ճանապարհներով, ՄԱԿ-ից և Անվտանգության խորհրդից խնդրել է հետամուտ լինել Թուրքիայի անընդունելի այդ քայլին: