Ռուսաստանը քննադատել է ռուս դիվանագետների դեմ ԱՄՆ-ի ճնշումների խստացումը
Ռուսաստանի ԱԳ նախարարությունը դատապարտել է որոշ ամերիկյան կազմակերպությունների կողմից ռուս դիվանագետների վրա գործադրվող ճնշումները:
Ռուսաստանի փոխարտգործնախարար Սերգեյ Ռիաբկովը հայտարարել է, որ երկուսուկես տարի առաջվանից սկսած, ԱՄՆ-ն փորձում է ռուս դիվանագետներին որպես լրտեսներ ներկայացնել: «ԱՄՆ-ի հատուկ կառույցները, ռուս դիվանագետների վրա ճնշում գործադրելով և ընտանիքի անդամներին սպառնալով ցանկանում են հասնել իրենց նպատակին.». ասել է նա: Ռիաբկովը, Վաշինգտոնին մեղադարել է դիվանագիտական գործունեության անվան ներքո Ռուսաստանում հետախուզական աշխատանքներ ծավալելու մեջ և հայտարարել է, որ Մոսկվայում ԱՄՆ-ի գաղտնի գործակալները հաճախ նկատվում են Ռուսաստանի ռազմավարական կենտրոնների շրջակայքում:
Նկատի առնելով ԱՄՆ-ի տեղեկատվական ու անվտանգության կառույցներին Ռուսաստանի ԱԳ նախարարության ուղղած խիստ քննադատությունն ու նաև Ռուսաստանում ամերիկացի գործակալների լրտեսական աշխատանքնրի ծավալումը, սպասվում է, որ երկու երկրի միջև լարված հարաբերություններն առավել սրվեն: Թեև ԱՄՆ-ն ու Ռուսաստանը Վլադիմիր Պուտինի նախագահության շրջանի սկզբից տարբեր հարցերի շուրջ տարաձայնություններ են ունեցել, սակայն որոշակիորեն 2014 թվականին Ղրիմն իր տարածքին կցելու Ռուսաստանի որոշումից և Ուկրաինայի արևելքում հակամարտության սրումից հետո Մոսկվայի ու Վաշինգտոնի միջև լարվածությունը սրվել է: Երկու երկրներն Ուկրաինայից բացի լուրջ տարաձայություններ ունեն Սիրիայի ճգնաժամի կարգավորման հարցում:
Այդուհանդերձ սա առաջին անգամ է, որ Մոսկվան բացահայտորեն անդրադառնում է ռուս դիվանագետների հանդեպ Վաշինգտոնի թշնամական քայլերին:
2016 թվականի հունվարի վերջերին Ռուսաստանն ու ԱՄՆ-ն հյուպատոսական պատերազմ սկսեցին: Այդ ժամանակ Վաշինգտոնը հակադարձելով ԱՄՆ-ի հյուպատոսային հարցերին Ռուսաստանի միջամտությանը, չեղարկեց ԱՄՆ-ում Ռուսաստանի վեց պատվո հյուպատոսներից հինգի մանդատները: Այսպիսով ԱՄՆ-ում իր աշխատանքը շարունակեց Ռուսաստանի մեկ պատվո հյուպատոսություն: ԱՄՆ-ն հայտարարեց, որ Ռուսաստանի հինգ պատվո հյուպատոսությունների փակվելը Ռուսաստանում ԱՄՆ-ի դիվանագիտական ներկայացուցչության աշխատանքներում Մոսկվայի միջամտություններին ուղղված պատասխան քայլ է համարվում: Հատկապես որ Ռուսաստանն ավելի վաղ փակել էր այդ երկրի տարածքում ԱՄՆ-ի դեսպանատանը կապված 28 ամերիկյան կենտրոններ:
Այժմ էլ Ռուսաստանը քննադատել է ռուս դիվանագետների վրա ԱՄՆ-ի տեղեկատվական կառույցների ճնշումները և միևնույն ժամանակ ընդգծել է, որ տեղյակ է Մոսկվայում ԱՄՆ-ի ռազմական կցորդին կապված ամերիկացի գործակալների լրտեսական աշխատանքներից: Թվում է, որ այդ քայլն առավելապես նախազգուշացում է Մոսկվայում ԱՄՆ-ի ռազմական կցորդին: Անկասկած ռուս դիվանագետների նկատմամբ Վաշինգտոնի վերջին քայլերը Ռուսաստանի պաշտոնական հակազդեցությունից բացի նաև հանգեցնելու են պատասխան քայլերի: Այսպիսով միջազգային երկու գերտերությունները տարաձայնությունների կարգավորման ուղղությամբ ջանք գործադրելու փոխարեն շարժվում են դեպի լարվածության առավել սրում:
