Համատեղ քայլերի համապարփակ ծրագիրը և Իրանի ակնկալիքները ՄԱԿ-ից
ՄԱԿ-ում ԻԻՀ մշտական ներկայացուցիչ՝ Ղոլամալի Խոշրուն կազմակերպության Գլխավոր ասամբլեայում ունեցած ելույթում Համատեղ քայլերի համապարփակ ծրագրի մասին ՄԱԿ-ի գլխավոր քարտուղար՝ Պան Գի Մունի ամենամյա զեկույցի կապակցությամբ ՄԱԿ-ի քարտուղարությանը կոչ է արել անկողմնակալ զեկույցներ ու գնահտականներ մշակելով, դրական դերակատարություն ունենալ այս համաձայնագրի իրագործման հարցում:
Հոկտեմբերի 6-ին ՄԱԿ-ի ԳԱ-ի նիստում Ղոլամալի Խոշրուն ընդգծել է.«Համատեղ քայլերի համապարփակ ծրագրի նկատմամբ Իրանի հավատարմությունը և համաձայնագիրը ստորագրած որոշ երկրների կողմից խախտումները պետք է անկողմնակալ կերպով նշվեն ՄԱԿ-ի գլխավոր քարտուղարի զեկույցներում»:
ՄԱԿ-ի գլխավոր քարտուղարն իր վերջին զեկույցում Համատեղ քայլերի համապարփակ ծրագիրը պատմական ձեռքբերում և Իրանի հետ միջազգային հանրության հարաբերություններում շրջադարձային կետ է համարել: Նա նշել է.«Այս համաձայնությունը կհանգեցնեի տարածաշրջանում անվտանգության լուրջ խնդիրների շուրջ փոխհամաձայնության գալուն և համագործակցելուն»:
Պան Գի Մունի այս հայտարարությունը դարձյալ վկայում է Համատեղ քայլերի համապարփակ ծրագրի կարևորության ու ազդեցիկության մասին: Սակայն միջուկային համաձայնագրի ազդեցիկ լինելը պայմանավորված է Համատեղ քայլերի համապարփակ ծրագրի իրագործման ուղղությամբ հավասարակշռված քայլերով և ՄԱԿ-ի կողմից անկողմնակալ ու պատասխանատու դերակատարությամբ:
ԱՄՆ-ն Համատեղ քայլերի համապարփակ ծրագրի իրագործման հարցում թափանցիկ վերաբերմունք չի դրսևորել, ու այս մասին միջազգային հանրությունը լավ գիտի:
Հարց է ծագում ,թե ինչու ԱՄՆ-ն և ատոմային զենք ունեցող մյուս երկրները չեն կատարում զինաթափման դաշինքը և ինչու ԱՄՆ-ն ու Ֆրանսիան հնարավորություններ տրամադրելով Սիոնիստական ռեժիմին ,նրան դարձրել են ատոմային սպառնալիք Միջին Արևելքում: ԱՄՆ-ն փաստորեն ահաբեկչության նկատմամբ երկստանդարտ քաղաքականություն է վարում:
Երեք տարի առաջ, ԻԻՀ նախագահը կարևորելով բռնության, ծայրահեղականության ու ահաբեկչության դեմ պայքարի անհրաժեշտությունը, նախազգուշացրել էր, որ նման երկակի վերաբերմունքների շարունակումը բոլորին կկանգնեցնի անկայունության լուրջ խնդրի առջև, բայց ԱՄՆ-ի գլխավորած ահաբեկչության դեմ պայքարի ջատագովները միմիայն փորձում են քաղաքական նպատակով օգտագործել ահաբեկչությունը և այսօր իրենք են հայտնվել ահաբեկչության լուրջ խնդրի առջև:
Ինչ խոսք Համատեղ քայլերի համապարփակ ծրագիրը միջուկային բանակցությունների արդյունքն է, բայց չպետք է անտեսել բանակցող երկրների կողմից պարտավորությունների իրականացումից խուսափելը: ՄԱԿ-ի գլխավոր քարտուղարն իր զեկույցում ընդգծել է.«Այս համաձայնությունը կօգնի, որպեսզի կողմերը ավելի լավ համագործակցեն տարածաշրանի լուրջ խնդիրների կարգավորման ուղղությամբ, բայց իրականում աշխարհում տիրող պայմանններում այս նպատակի իրագործումը պայմանավորված է գերտերությունների մոտեցումներով ու հայեցողությամբ»: