Դիմադրությունը Իսլամական զարթոնքի հարատևման երաշխիքն է
Այսօր Բաղդադում մեկնարկել է Իսլամական զարթոնքի համաշխարհային ֆորումի գերագույն խորհրդի 9-րդ նստաշրջանը՝ Ֆորումի գլխավոր քարտուղար՝ Ալի Աքբար Վելայաթիի և իրաքցի պատասխանատուների ու քաղաքա-կրոնական այլ դեմքերի մասնակցությամբ:
Նստաշրջանը հոկտեմբերի 23-ին կավարտի իր աշխատանքները: Աշխարհի 22 երկրի իսլամական կրոնագետներ մասնակցում են Բաղդադի նիստին,որոնց մեծ մասը սուննիներ են ,իսկ մնացածը շիաներ և իսլամական երկրների այլ դավանանքներին պատկանող խմբեր:
Իսլամական զարթոնքի համաշխարհային Ֆորումը կազմվել է Իսլամական հեղափոխության մեծարգո առաջնորդ՝ Այաթոլլահ Խամենեիի նախաձեռնությամբ:
Նիստում ունեցած ելույթում Վելայաթին ասել է.«Իսլամական զարթոնքի մեկնարկից անցնում է ավելի քան հինգ տարի: Իսլամական զարթոնքի թշնամիները նույնիսկ թաքֆիրական խմբեր ստեղծելու և անջատողական նախագծեր մշակելու միջոցով չեն կարողացել իրագործել այս մեծ ալիքի սանձմանն ուղղված իրենց նախագծերը:
Իսլամական զարթոնքը 2011 թվականին սկիզբ առավ Եգիպտոսից ու Թունիսից` հայտնվելով բազում դժվարությունների առջև:
Որոշ երկրներ,որտեղ ձևավորվեց Իսլամական զարթոնքը անգիտակցաբար հույսեր փայփայելով տիրակալական համակարգի խոստումների հետ, շեղվեցին Իսլամական զարթոնքի ճշմարիտ ուղուց և դարձյալ արևմտյան երկրներին հնարավորություն ընձեռեցին տնօրինելու հեղափոխական երկրների ճակատագիրը :
Տարածաշրջանում Իսլամական զարթոնքի երաշխիքը հանդիսացող Իսլամական Դիմադրության շարժումը վերջին տարիներին ակնառու հաջողություններ է արձանագրել մասնավորապես Պաղեստինում, Սիրիայում ,Եմենում ու Իրաքում: Պաղեստինում Երուսաղեմի Ինթիֆադայի շրջանակում Իսլամական զարթոնքը Սիոնիստական ռեժիմին իր «տեղն է դրել»:
Սիրիայի , Իրաքի և Եմենի ժողովուրդները Իսլամական Դիմադրության շնորհիվ պահպանել են Իսլամական զարթոնքը: Նրանք լայն մասնակցություն բերելով ահաբեկչության և միջամտւթյուններ իրականացնող պետությունների դեմ պատերազմին, նպաստել են Իսլամական զարթոնքի առաջընթացին:
Արևմտյան Ասիայում արաբական հետադիմական ու տիրակալական համակարգը ահաբեկչական խմբեր ստեղծելով նպատակ ունի ճնշել Իսլամական զարթոնքը, բայց Սիրիայի, Իրաքի ու Եմենի ժողովուրդների սխրագործությունը ձախողման է մատնել այդ սադրանքը:
Ահաբեկիչների ու ոտնձգություններ իրականացնող երկրների դեմ հիշյալ երեք երկրի ժողովրդի արձանագրած հաջողությունը Իսլամական Դիմադրության շնորհիվ է: Իսլամական Դիմադրության առանցքի ամրապնդումը, ժողովրդի զգոնությունն ու հեղափոխական գործունեությունը, Իսլամական աշխարհի կրոնագետների ակտիվ գործունեությունը, հիմնական դերակատարություն ունեն իսլամական զարթոնքի առաջընթացում:
Իսլամական զարթոնքի համաշխարհային ֆորումի գլխավոր քարտուղար՝ Ալի Աքբար Վելայաթիի խոսքերով՝ Մահմեդական Իսլամի արժեքների վերականգնումը տարածաշրջանի խնդիրների լուծման միակ ելքն է,քանզի շատերն են աչք հառել այս տարածաշրջանի վրա: Արևմտյան ու արաբական շատ երկրներ և Սիոնիստական ռեժիմը թաքֆիրական գաղափարները դարձրել են գործիք իրենց նպատակների իրագործման համար: