ԱՄՆ-ն շարունակում է Իրանի դեմ թշնամական քաղաքականությունը
1979 թվականին ԱՄՆ-ի լրտեսական որջի վերածված դեսպանատանն Իրանի դեմ ԱՄՆ-ի սադրիչ նախագծերի ու հետախուզական գործունեության փաստաթղթերը հրապարակվելուց հետո, ԱՄՆ-ի ժամանակի նախագահը Իրանի դեմ արտակարգ դրություն հայտարարեց:
Այդ ժամանակ դադարեցվեցին բոլոր գործարքները, սառեցվեցին Իրանի ակտիվները :
Որոշումը ուժի մեջ է մեկ տարի, եթե ԱՄՆ նախագահը ժամկետի ավարտից 90 օր առաջ դրա երկարաձգման մասին տեղյակ չպահի Կոնգրեսին: Այս տարի նոյեմբերի 3-ին, Իրանում ԱՄՆ-ի նախկին դեսպանատունը գրավվելու տարեդարձին, Բարաք Օբաման հայտարարեց այդ օրենքի գործադրումը երկարաձգվելու մասին:
Իրանի միջուկային հարցի լուծումից և համատեղ ակտի համապարփակ ծրագրի ստորագրումից հետո ԱՄՆ-ն պատրաստ չէ հրաժարվել Իրանի ժողովրդի դեմ թշնամական քայլերից: Այդ պատճառով էլ ԱՄՆ-ի վարքագծում էական փոփոխություն չի նկատվում և միայն մեթոդներն ու սցենարներն են փոխվել:
ԱՄՆ-ն այդ քայլով երկու նպատակ է հետապնդում: Առաջինը տարածաշրջանում իրանաֆոբիայի քաղաքականության շարունակումն է:
Իրանի դեմ արտակարգ իրավիճակի երկարաձգումը վկայում է, որ ԱՄՆ-ի դիտանկյունից Իրանը շարունակում է սպառնալիք համարվել: Մինչդեռ եթե հայացք նետելու լինենք վերջին 50 տարվա ընթացքում Իրանի դեմ ուղղված ԱՄՆ-ի քայլերին կնկատենք, որ Վաշինգտոնն վարած քաղաքականություններով շարունակ Իրանի համար սպառնալիքի ու անապահովության ստեղծման աղբյուր է համարվել: Իրաք ու Աֆղանստան զորաշարժ կատարելով, ԱՄՆ-ն լուրջ սպառնալիք է առաջացրել Իրանի անվտանգության համար , որի հետևանքները երևան են եկել տարածաշրջանում ահաբեկչության աճով ու տարածմամբ: ԱՄՆ-ն անվտանգություն հաստատելու պատրվակով վերջին երեք տասնամյակներում տարածաշրջանի երկրներին մատնել է ճգնաժամերի և Պարսից ծոցի արաբական երկրներին միլիարդավոր դոլարների զենք վաճառելու նպատակով շարունակ ջանք է գործադրել արգելելու Իրանի ու տարածաշրջանի երկրների զուգամերձությունը:
Իրանի նկատմամբ արտակարգ դրությունը երկարաձգելու ԱՄՆ-ի երկրորդ նպատակը տարածաշրջանային ու միջազգային մասշտաբով ԻԻՀ դերակատարության նկատմամբ ընդդիմությունն է:
Այսօր Համատեղ ակտի ծրագրի գործադրմամբ, տարածաշրջանային հավասարություններում Իրանի դերակատարությունն ընդլայնվել է և այս փոփոխությունը գործնականում հանգեցրել է մյուս գործոններում Իրանի դեմ ԱՄՆ-ի թշնամական քայլերի խստացմանը: ԱՄՆ-ն առաջ է քաշում այնպիսի հարցե, ինչպես`Իրանի հրթիռային պաշտպանության ծրագիրը փորձելով աշխարհին համոզել, որ Իրանը սպառնալիք է համարվում տարածաշրջանի համար: Իրանին ահաբեկչությունը հովանավորելու մեջ մեղադրելը նույնպես Թեհրանի վրա ճնշում գործադրելու միջոցներից է:
Իրանի հետ ԱՄՆ-ի խնդիրը ժողովրդի հեղափոխական լինելը, անկախ դիրքորոշումները և ԱՄՆ-ի բռնատիրության դեմ պայքարն է: Անկասկած, քանի դեռ այս իրավիճակը շարունակվում է, ԱՄՆ-ի դիտանկյունից Իրանը սպառնալիք է համարվելու և պահպանվելու է ԻԻհ դեմ ԱՄՆ-ի արտակարգ դրությունը: