Եմենում ազգային փրկության կառավարությունը՝ ժողովրդի դիմադրության քաղաքական ձեռքբերում
Եմենի հեղափոխության գերագույն խորհրդի պետը ազգային փրկության կառավարության ձևավորվելն ազգային ձեռքբերում է համարել այդ երկրի համար:
Հույս հայտնելով, որ ազգային փրկության կառավարության քայլերի շնորհիվ երկրի տնտեսական վիճակը կբարելավի, Եմենի հեղափոխության գերագույն խորհրդի պետ՝ Մոհամմեդալի Ալ-Հուսին այդ երկրի ժողովրդին ու բանակին կոչ է արել գիտակցել տնտեսական պայքարի դրական կողմերը:
Երկուշաբթի օրը, Սանաայում գումարված արտահերթ նիստում, Եմենի քաղաքական գերագույն խորհուրդն ընտրել է ազգային փրկության կառավարության կազմին:
Կառավարության պարտականությունն է կարգավորել երկրում տիրող իրավիճակը և տնտեսական, քաղաքական ու ռազմական պայքար մղել ոտնձգիչների դեմ:
Եմենի ազգային փրկության կառավարության ձևավորման նպատակն է համաներման հրամանով ամրապնդել ազգային հաշտությունն ու խաղաղությունը:
Ազգային փրկության կառավարություն ձևավորելու Եմենի գերագույն խորհրդի որոշումը զգոն քայլ էր Սաուդյան Արաբիայի և նրա վարձկանների դավադրությունների նկատմամբ: Հատկանշական է, որ Եմենի նախկին նախագահ՝ Աբդե Ռաբե Մանսուր Հադիի իշխանությունից հրաժարվելուց հետո, այդ երկրում առաջացավ քաղաքական վակուում : Այդ պատճառով, խնդիրներ առաջացան քաղաքական որոշումներ կայացնելիս: Նման պայմաններում, Անսարալլահ շարժման և Ազգային Կոնգրես կուսակցության միջև կայացած համաձայնության արդյունքում ձևավորված Եմենի քաղաքական գերագույն խորհուրդը մեծ դերակատարություն է ունեցել Ազգային փրկության կառավարության ձևավորման հարցում:
Եմենի քաղաքական գերագույն խորհուրդը երկրի Սահմանադրության համաձայն, ղեկավարել է երկիրը քաղաքական, ռազմական, անվտանգության, տնտեսական, վարչական, հասարակական և այլ կողմերից և այդ խորհրդի ջանքերը հանգեցրել են Ազգային փրկության կառավարության ձևավորմանը:
Վերջին ամիսների ընթացքում Եմենի զարգացումները վկայում են այն մասին եմենցիները ճիշտ կեցվածք են դրսևորել այդ երկրի քաղաքական ու ռազմական հարցերում ԱՄՆ-ի և Սաուդյան Արաբիայի միջամտողական դավադրությունների նկատմամբ:
Քաղաքական գերագույն խորհրդի և Ազգային փրկության կառավարության ձևավորվելը նշանակում է, որ Անսարալլահ շարժումը, Ժողովրդական Կոնգրեսը և նրանց դաշնակիցները չեն հանդուրժում Մանսուր Հադիի կամ Ռիադին հարող ուժերից մեկի իշխանության գաելը:
Եմենում քաղաքական գերագույն խորհրդի ձևավորմանն ընդիմացան այդ երկրի հրաժարված կառավարությունը և նրա հովանավորները, հատկապես Սաուդյան Արաբիան: Ընդդիմանալու գլխավոր պատճառն այն էր, որ Եմենում քաղաքական գերագույն խորհրդի ձևավորվելը նշանակում էր, որ Եմենի դեմ Սաուդյան Արաբիայի հարձակումներից ավելի քան 20 ամիս անց, Անսարալլահ շարժումը և նրա դաշնակիցները շարունակում են ակտիվ ու արդյունավետ ներկայություն ունենալ Եմենի քաղաքական ասպարեզում:
Նման գործընթացը ցանկալի չէ Սաուդյան Արաբիայի և ԱՄՆ-ի համար: Այդ շրջանակում Ազգային փրկության կառավարության ձևավորվելը նշանակում է Եմենում Վաշինգտոնի և Ռիադի քաղաքականությունների ձախողում:
