Սիրիան արձագանքել է Արևմուտքի նոր մեղադրանքներին
Սիրիայի փոխարտգործնախարար՝ Ֆեյսալ Մեղդադը երկուշաբթի օրը հայտարարել է,որ ահաբեկիչների դեմ քիմիական զենք օգտագործելու վերաբերյալ հակասիրիական հայտարարությունները անհիմն են ու կեղծ:
Ֆեյսալ Մեղդադը հերքել է ՄԱԿ-ի հետազոտող հայտարարությունն այն մասին, որ Սիրիայի բանակը քլոր գազ է օգտագործել ահաբեկիչների դեմ: Նա հավելել է.«Այդ զեկույցները պատրաստվել են սխալ ու ոչ համոզիչ փաստերի հիման վրա: Դրանք թուլացնում են քիմիական զենքի արգելման կազմակերպության(ՔԶԱԿ) հեղինակությունը:
Արևմուտքը Սիրիայի կառավարությանը մեղադրում է քիմիական զենք կիրառելու մեջ, այն դեպքում, երբ վերջին տարիներին անվտանգության խորհրդի բանաձևերի շրջանակում Սիրիայի քիմիական զենքերը ամբողջության հանձնվել են Քիմիական զենքի արգելման կազմակերպությանը և ՄԱԿ-ը հաստատել է այդ հարցում Սիրիայի կառուցողական համագործակցությունը:
Սիրիայում ահաբեկիչների արաբ և արևմտյան հովանավորները փորձում են իրենց ամբոխավարական քայլերով խեղաթյուրել իրականությունը: Նրանք Քիմիական զենքի արգելման կազմակերպության անդամ մի քանի ազդեցիկ երկրներից միջոցով որոշում են կայացրել Սիրիայի կառավարության դեմ: Իսկ ահաբեկչական խմբավորումները միջազգային շրջանակների պահած լռության ներքո քիմիական զենք են կիրառում Սիրիայի խաղաղ բնակչության դեմ: Սիրիայի իրադարձությունները վկայում են այն մասին ,որ այդ երկրում, մասնավորապես` Հալեպում, բանակի և ժողովրդական ուժերի արձանագրած հաջողությունները և ահաբեկիչների կրած ծանր պարտությունները, ժողովրդական համակարգի օգտին ուժի հավասարության փոփոխումը պատճառ են դարձել, որ Դամասկոսի դեմ հակաքարոզչության ու սադրանքների նոր ալիք բարձրանա : Վերջին օրերին արևմտյան շրջանակները և Սիրիայում ահաբեկիչներին հովանավորող որոշ տարածաշրջանային պետություններ, այդ թվում` Թուրքիան, Սիրիայի պետական ուժերին մեղադրել են ընդդիմադիր զինյալների նկատմամբ քիմիական զենք կիրառելու մեջ:
Այդ անհիմն հայտարարություններն արվում են այն դեպքում, երբ որոշ ժամանակ առաջ, ԶԼՄ-ները զգուշացրել էին Սիրիայում ահաբեկիչների կողմից քիմիական զենք օգտագործվելու մասն: Սիրիայի ԶԼՄ-ները նշել են.«Ահաբեկիչների հովանավորները նման հայտարարություններով նպատակ ունեն ենթահող ստեղծել ահաբեկիչների կողմից ավելի շատ քիմիական զենքերի կիրառման համար, որպեսզի կարողանան այդպիսով կանխել նրանց պարտությունը Սիրիայում»:
Նման պայմաններում արևմտյան պետությունների կողմից ահաբեկիչներին զանգվածային ոչնչացման զենքերով զինելը միջազգային դաշինքների ու կոնվենցիաների բացարձակ խախտում է նշանակում: Միջազգային կոնվենցիաներն արգելում են ցանկացած զանգվածային ոչնչացման զենքի կիրառում:
Սիրիայի փոխարտգործնախարար՝ Ֆեյսալ Մեղդադը միջազգային հանրությանը կոչ է արել անհապաղ քայլեր ձեռնարկել ահաբեկչական խմբավորումների կողմից քիմիական զենքերի օգտագործումը կանխելու ուղղությամբ:
