Ամերիկացի զինվորականները ժամանել են Լեհաստան . Ռուսաստանը կոշտ է արձագանքել
ՆԱՏՕ-ի՝ Արևելյան Եվրոպայում դաշինքի ներկայության ուժեղացման շրջանակում, հունվարի 12-ին Լեհաստան է ժամանել ամերիկյան ռազմական ավտոշարասյունը, որում ներառված են հետևակի մարտական մեքենաներ, բեռնատարներ, 87 Աբրամս տանկերներ և ավելի քան 500 մարդատար մեքենաներ։
Ավելի քան հազար ամերիկացի զինվորներ են ժամանել Վրոցլավ, Պոզնան ու այլ քաղաքներ։ Նրանք ծառայելու են Լեհաստանում ու տարածաշրջանի մյուս երկրներում՝ Atlantic Resolve գործողության շրջանակում:
Հունվարի 14-ին Լեհաստանի բոլոր քաղաքներում ծրագրված են ամերիկացի զինվորականներին ողջունելու պաշտոնական արարողություններ։ ԱՄՆ մոտ 4 հազար զինծառայող է ծառայելու Լեհաստանի, Լիտվայի , Լատվիայի, Ռումինիայի, Բուլղարիայի ու Հունգարիայի տարածքում։
Ամերիկացի ու լեհ զինծառայողները 2017 թվականի հունվարի վերջերին համատեղ զորավարժություն կանցկացնեն Լեհաստանում:
ՆԱՏՕ-ն հայտարարել է,որ այդ քայլերն իրականանում են եվրոպացի դաշնակիցներին գոտեպնդելու և Ռուսաստանի ագրեսիային դիամակայելու նպատակով: Իհարկե Մոսկվան կոշտ է արձագանքել այդ քայլին: Կրեմլը հայտարարել է,որ Լեհաստանում ԱՄՆ-ի ռազմական ներկայության ընդլայնումը ՌԴ ազգային ավտանգության դեմ ուղղված սպառնալիք է:
ՆԱՏՕ-ն ՌԴ սահմանների մոտ իր ռազմական ներկայության ուժեղացումը հիմնավորում է ինքնապաշտպանության պատճառաբանությամբ: Դաշինքը հայտարարել է,որ այդ քայլերն իրականանում են 2014 թվականին Ղրիմը Ռուսաստանին կցվելուց հետո: ՌԴ-ի կարծիքով ՆԱՏՕ-ի ներկայությունն իր սահմանների մոտ ագրեսիա է նշանակում: Մոսկվան բազմիցս ընդգծել է,որ Եվրոպայում ՆԱՏՕ-ի ներկայության ընդլայնումը կխախտի այդ մայրցամաքի անվտանգության հավասարակշռությունը: Արևելյան Եվրոպայում զինուժ տեղակայելու ՆԱՏՕ-ի քայլերի նպատակն է՝ ՆԱՏՕ-ի նոր անդամներին այդ թվում Լեհաստանին և Բալթյան երեք երկրներին վստահեցնելու որ կանխվելու է այդ երկրների դեմ ուղղված Ռուսաստանի հնարավոր ագրեսիան: Անցած երկու տարիների ընթացքում ԱՄՆ-ն և ՌԴ-ն ինչ-որ կերպ փորձում են ցուցադրել իրենց ուժը: Ի դեպ ՆԱՏՕ-ն ագրեսիվ ու սպառնալի դիրքորոշում է որդեգրել ՌԴ-ի նկատմամբ: Արևելյան Եվրոպայի երկրներում ռազմական ուժեր ու զինտեխնիկա տեղակայելով ՆԱՏՕ-ն փորձում է դեպի ՌԴ-ի սահմաններն առաջ ընթանալ,ինչը պատճառ է դարել ,որ ՌԴ-ը իր ազգային դոկտրինայում ՆԱՏՕ-ին որպես իր ազգային անվտանգության դեմ ուղղված սպառնալիք ներկայացնի: Ի դեպ ԱՄՆ նախագահ՝ Բարաք Օբաման իր պաշտոնավարման վերջին օրերին փորձում է առավել սրել Վաշինգտոն-Մոսկվա լարվածությունները: Նա նպատակ ունի այնպիսի իրավիճակ ստեղծել որպեսզի Դոնալդ Թրամփն Ռուսաստանի նկատմամբ ներկայիս քաղաքականությունը շարունակելուց բացի այլ ելք չունենա:
