Թրամփի և Պուտինի հանդիպման արդյունքները
Գերմանիայի Համբուրգ քաղաքում կայացած G-20 խմբի երկրների գագաթաժողովի շրջանակում, հուլիսի 7-ին տեղի ունեցավ ԱՄՆ-ի և ՌԴ նախագահների հանդիպումը: Սա ԱՄՆ-ի նախագահ ընտրվելուց հետո Դոնալդ Թրամփի առաջին հանդիպումն է Ռուսաստանի նախագահ Վլադիմիր Պուտինի հետ:
Այդ հանդիպումը մեծ նշանակություն ունի: Մոսկվայի և Վաշինգտոնի բարձրաստիճան պաշտոնատարների կարծիքով Սառը պատերազմից հետո երկու երկրի հարաբերությունները ամենացածր մակարդակում են գտնվում: Ուկրաինայի ներքին հարցերին միջամտելու, Սիրիայի քաղաքական համակարգին հովանավորելու և ԱՄՆ-ի նախագահական ընտրություններին միջամտելու պատրվակով, ԱՄՆ-ը շրջափակումներ է սահմանել Մոսկվայի դեմ:
Ռուսաստանը, հակադարձելով Արևելյան Եվրոպայում Արևմուտքի քայլերին, Միջին Արևելքում և Հյուսիսային Աֆրիկայում որոշ հաջողություններ է արձանագրել ԱՄՆ-ի գլխավորությամբ ձևավորված Արևմտյան երկրների կոալիցիայի դեմ:
Նման զարգացումները պատճառ են դարձել, որ ԱՄՆ-ում հակառուսական տրամադրությունները սրվեն:
Ներկայումս ԱՄՆ-ի նախագահ Դոնալդ Թրամփի ընտրական շտաբի անձնակազմը մեղադրվում է 2016 թ.-ին կայացած նախագահական ընտրությունների ընթացքում Ռուսաստանի հետ գաղտնի կապեր հաստատելու մեջ:
Այդուամենայնիվ Թրամփի և Պուտինի հանդիպման ընթացքում կայացած համաձայնությունը վկայում է այն մասին, որ Սպիտակ Տունը մեղմացրել է իր հակառակությունը Մոսկվայի հանդեպ: Հանդիպման ընթացքում Թրամփն ընդունել է ԱՄՆ-ի նախագահական ընտրություններին Ռուսաստանի կողմից միջամտություն չանելու մասին Պուտինի բացատրությունը:
Երկու երկրների ղեկավարները նաև համաձայնության են եկել` Սիրիայի հարավային շրջաններում հրադադար հաստատելու կապակցությամբ: ԱՄՆ-ի արտգործնախարար Ռեքս Թիլերսոնը հայտարարել է, որ ԱՄՆ-ն Բաշար Ասադին այդ երկրի ապագա կառավարության ձևավորման գործում որևէ դեր չի վերապահում: Սակայն Ռուսաստանն ըդգծում է, որ կշարունակի հովանավորել Սիրիայի նախագահ Բաշար Ասադին և կարևորում է Սիրիայի ժողովրդի ինքիշխանության իրավունքը: Մի բան. որը կարող է Թրամփին ստիպել որոշակի չափով նահանջել իր դիրքորոշումներից:
Հետևաբար նախատեսվում է, որ Եվրոպա կատարած այցից հետո, Սպիտակ Տան հակասիրիական շարժումը կմեծացնի իր քննադատությունները Թրամփի դեմ:
Չնայած ԱՄՆ-ի Նախագահ Թրամփի կողմից հնչեցվող հռետորաբանությանը, ԱՄՆ-ը չի կարողանում վերականգնել աշխարհում իր նախկին դիրքը :
Այլ կերպ ասած, միջազգային համակարգում առաջացած նոր ձևավորումների շրջանակում և ԱՄՆ-ին թշնամի կամ մրցկից անկախ ուժերի ասպարեզ գալով, Վաշինգտոնը ստիպված է պաշտոնապես ճանաչել այլ երկրների տեսակետները:
Չնայած Թրամփը ծատ ուշ է ընդունել այդ քաղաքական զարգացումները, սակայն նրան հովանավորող ծայրահեղական շարժման հակազդեցությունը ի վերջո կհանգեցնի միջազգային ասպարեզում ԱՄՆ-ի ազդեցության նվազմանը: