Զարիֆի ելույթը ԱՄՆ-ի արտաքին հարաբերությունների խորհրդում
ՄԱԿ-ի նստաշրջանին մասնակցելու նպատակով Նյու-Յորք այցելած Իրանի արտգործնախարար Մոհամմադ Ջավադ Զարիֆը երեքշաբթի առավոտյան ելույթ է ունեցել ԱՄՆ-ի արտաքին հարաբերությունների խորհրդում և քննադատել է Իրանի մասին ամերիկացի պաշտոնատարների միջամտողական արտահայտությունները:
Նշելով, որ Իրանում հեղափոխության սկզբից ԱՄՆ-ը ձգտել է իշխանափոխության, Զարիֆն ասել է.«Հնարավոր չէ Իրանում իշխանափոխություն իրականացնել: ԱՄՆ-ը դաս չի քաղում պատմությունից: 1953 թվականին ԱՄՆ-ը կործանեց իշխող համակարգը, և տեսեք թե ինչ եղավ»:
Երկուշաբթի օրը մի հարցազրույցի ընթացքում, հակադարձելով Վաշինգտոնի կողմից ՀԳՀԾ-ի խախտմանը, Զարիֆն ասել է.«Եթե նման ընթացքը շարունակվի, Իրանը կհրաժարվի այդ համաձայնությունից»:
ԱՄՆ-ը երկու պատճառով է շարունակում Իրանի նկատմամբ իր թշնամական քաղաքականությունները: Գլխավոր պատճառն այն է, որ ԱՄՆ-ը դեմ է իսլամական հեղափոխությանն ու համակարգի սկզբունքին, որովհետև այդ երկուսին արգելք է համարում իր ճանապարհին, ինչը հենց այդպես է: Ուստի Իրանի դեմ ԱՄՆ-ի թշնամությունը չի վերանա քանի դեռ ԱՄՆ-ը չվերանայի իր մոտեցումը:
Իսկ երկրորդ պատճառն այն է, որ Իրանն օրինակ է ծառայում հեղափոխական ժողովուրդների համար, որոնք պայքարում են բռնապետական իշխանությունների դեմ:
ԱՄՆ-ը բազմիցս փորձել է ընդդիմանալ Իրանին և տապալել գործող համակարգը, սակայն չի հաջողել:
Վերջերս ԱՄՆ-ի Սենատի արտաքին հարաբերությունների կոմիտեում ԱՄՆ-ի պետքարտուղար Ռեքս Թիլերսոնն ասել է.«ԱՄՆ-ը Իրանում հովանավորելու է նրանց, ովքեր կօգնեն Վաշինգտոնին խաղաղ իշխանափոխության իրագործման հարցում»:
ԱՄՆ-ի պաշտպանության նախարար Ջեյմս Մաթիսը նույնպես նման արտահայտություններ է արել:
Վերջերս ամերիկացի նախկին դիվանագետ՝ Ռան Փավելն ազատության մասին հեռուստահաղորդման ընթացքում, անդրադառնալով պետքարտուղար Ռեքս Թիլերսոնի արտահայտություններին, երկու պատկերներ ցուցադրեց Իրանի եկեղեցիներից մեկում Ս. Հարության տոնի անցկացման կապակցությամբ:
Նա ասել է.«Մենք վերջերս Իրանի եկեղեցիներից պատկերներ ենք ստացել Ս. Հարության տոնի անցկացման մասին: Դրանք վկայում են, թե տարածաշրջանում ո՞ր երկիրն է ավելի շատ հարգում քաղաքացիական ազատությունները. սաուդցիները թե իրանցիները: Սակայն մեզ շարունակ ուսուցանել են, որ իրանցիները չար են և չեն հանդուրժում մյուս կրոնները»:
Իրանում խաղաղ իշխանափոխությանը ձգտելով, ԱՄՆ-ի պաշտոնատարները սխալ ռազմավարության են հետևում: Այդ իրողությանն է անդրադարձել Իրանի արտաքին գործերի նախարարը ԱՄՆ-ի արտաքին հարաբերությունների խորհրդում: