ՀԳՀԾ-ը և այն տարբերակները, որոնց համար կզղջա Եվրոպան

Եվրոպական երկրների պաշտոնյաները ամեն օր ավելի վստահ են դառնում, որ ԱՄՆ-ի նախագահ Դոնալդ Թրամփը չի խափանի ՀԳՀԾ-ը: Սակայն Բրյուսելում եւ Վաշինգտոնում այլ գաղափարներ են ձևավորվում ՀԳՀԾ-ի հաջողության մասին:

ԱՄՆ-ի նախագահ Դոնալդ Թրամփը հունվարի 12-ին երկարացրել է Իրանի միջուկային պատժամիջոցների կասեցումը, սակայն նա հայտարարել է, որ  նոր պայմաններ է մտցնում Իրանում ռազմական օբյեկտների եւ հրթիռային ծրագրի վերահսկողության վերաբերյալ եւ ասել է.«Եթե կոնգրեսն ու Եվրամիությունը ընդունեն այդ պայմանները, ԱՄՆ-ը դուրս կգա ՀԳՀԾ-ից:

Այժմ որոշ լրատվամիջոցներ ասում են, որ եվրոպացիները փորձում են գոհացնել նրան եւ ավելացնել ճնշումը Իրանի վրա: Այս խնդրին հակադարձել են իրանցի պաշտոնյաները:

Իրանի արտգործնախարարի տեղակալ Սեյեդ Աբբաս Էրաղչին հայտարարել է, որ Եվրոպական որոշ երկրների գաղափարը ԱՄՆ նախագահ Դոնալդ Թրամփին տուրք տալու կապակցությամբ Ամերիկայի վերաբերյալ սխալ քայլ է:

Նա նշել է, որ Գերմանական Der Spiegel շաբաթաթերթի, իր վերջին համարում նույն հարցով հայտարարել է, որ Գերմանիան, Բրիտանիան եւ Ֆրանսիան ջանքեր են գործադրում ԱՄՆ-ին գոհ պահելու նպատակով նոր պատժամիջոցներ կիրառել Իրանի դեմ:

Եվրամիության արտաքին քաղաքականության հանձնակատար Ֆեդերիքա Մոգերինին անցյալ տարվա նոյեմբերին «Washington Post» -ում գրել է, որ «ՀԳՀԾ-ի վերաբերյալ բանակցությունների վերսկսումը Եվրամիության համար անընդունելի է: Նա ընդգծել է, որ «Եվրամիությունը ընդհանուր մտահոգություններ ունի ԱՄՆ-ի հետ `տարածաշրջանային իրավիճակի եւ Իրանի բալիստիկ հրթիռային ծրագրի վերաբերյալ»:

«Պաշտպանել ժողովրդավարությունը» ամերիկյան հետազոտական կենտրոնը գրել է. «Եվրոպացիների կողմից Իրանում ներդրում անելն ավելի քան բաղձանք է քան իրականություն, իսկ եվրոպական բանկերը դեռ ցանկություն չունեն Իրանի հետ զբաղվել ֆինանսական գործարքներով: Իրանի հետ համագործակցության եվրոպական ախորժակի կրճատումը Սպիտակ տան համար բարդ խնդիր չէ»:

Իրանի իսլամական հեղափոխության գերագույն առաջնորդ Այաթոլլահ Ալի Խամենեին մի քանի օր առաջ, խոսքն ուղղելով  եվրոպացիներին, ընդգծեց. «Եվրոպացիները պետք է դիմակայեն ՀԳՀԾ-ի դեմ ԱՄՆ կառավարության գործողություններին: Նրանք չպետք է միանան ԱՄՆ-ին Իրանի պաշտպանական ուժը կանխելու կամ եւ տարածաշրջանում Իրանի ներկայությունը թուլացնելու քայլերին, քանի որ մենք բացարձակապես չենք ընդունում Եվրոպայի համընթացությունը  ԱՄՆ-ի հետ»:

Այժմ թվում է, որ Եվրամիությունն ընտրել է կարճ ճանապարհը, որպեսզի կարողանա մեկ կրակոցի եւ երկու նշանների քաղաքականություն վարելով պահապանել ՀԳՀԾ-ը և հասնել իր տնտեսական-քաղաքական շահերին:  Իսկ մյուս կողմից զերծ մնալ ԱՄՆ-ի հակառակությունից:

Բրյուսելի պաշտոնյաները մտադիր են իրենց տարբերակները ներկայացնել ԱՄՆ կառավարությանը: Ստացվում է, որ Եվրոպան տուրք է վճարում ԱՄՆ-ին, որը, անշուշտ հակառակ արդյունքի է հանգելու: