Մոսկվան քննադատել է Ռուսաստանի սահմանների մոտ ՆԱՏՕ-ի զորավարժությունը
ՆԱՏՕ-ի զորավարժությունները Ռուսաստանի հարևան երկրներում միշտ արժանացել են Մոսկվայի բացասական արձագանքին: Ըստ ռուսական ավագ քաղաքական և ռազմական պաշտոնյաների, այդ ակտը համարվում է Ռուսաստանի դեմ ուղղված ազգային անվտանգության սպառնալիք:
ՌԴ ԱԳՆ-ն արձագանքել է ՆԱՏՕ-ի ամենամեծ զորավարժություններին: Ռուսաստանի ԱԳՆ-ն հայտարարության մեջ նշում է, որ Նորվեգիայում մեկնրկած «Եռաժանի միացում 2018» կոդային անվամբ Trident Juncture 2018 զորավարժությունն ուղղված է Մոսկվայի դեմ:
Հոկտեմբերի 25-ին «Եռաժանի միացում» կոդային անվամբ Նորվեգիայում անցկացվող զորավարժություններին մասնակցում են տասնյակ հազարավոր զինծառայողներ:
Ռուսաստանի ԱԳՆ-ի տվյալներով, «Եռաժանի միացում 2018» զորավարժությունների շրջանակներում, ՆԱՏՕ-ի ռազմական փորձագետների վերջին նախագծերը իրականացվել են նմանատիպ եղանակներով Ռուսաստանի դեմ պայքարելու համար:
Չնայած ՆԱՏՕ-ի կողմից զորավարժությունների անցկացման կապակցությամբ բացատրություններին, Մոսկվայի տեսակետից, այն փաստերն, ինչպիսիք են 50 հազար զինվորականների, ինչպես նաև միջուկային ավիացիոն նավերի և ԱՄՆ-ի ռազմածովային ուժերի ուժերի ներգրավվածությունը, ցույց են տալիս զորավարժության ագրեսիվ բնույթը, հատկապես այն պատճառով, որ զորավարժության որոշ բաժիններն իրականացվում են Ռուսաստանից 200 կմ հեռավորության վրա:
ՆԱՏՕ-ի հետ Ռուսաստանի հարաբերությունները լարված են հատկապես 2014 թ. Ուկրաինայի ճգնաժամից հետո և այս ռազմական կազմակերպության իշխանությունները հետևողականորեն ավելացրել են տարածաշրջանում իրենց ռազմական ներկայությունը, փորձելով բացահայտել Մոսկվայի կողմից Արևելյան Եվրոպայում այս ռազմական դաշինքի երկրներին սպառնացող վտանգը: Բացի այդ, վերջին երկու տարիների ընթացքում ՆԱՏՕ-ն ուշադրություն է դարձնում Հյուսիսային Եվրոպայի վրա և փորձում է տարածաշրջանի երկու խոշոր երկրներին, Շվեդիային և Ֆինլանդիային ներգրավել դաշինքի և համատեղ զորավարժությունների մեջ, որոնց սցենարները հիմնված են Ռուսաստանի հարձակմանը հակազդելու վրա:
ՆԱՏՕ-ն, որպես Միացյալ Նահանգների ազդեցության գերիշխող ուժ, վերջին մի քանի տարիների ընթացքում գործում է միայն Վաշինգտոնի շահերի և նպատակների ուղղությամբ: Ռուս փորձագետ Սերգեյ Ռեկդան համոզված է, որ ՆԱՏՕ-ում հնչոծ սադրիչ հայտարարությունները ցույց են տալիս, որ ՆԱՏՕ-ն պատրաստ չէ մեղմել լարվածությունը Ռուսաստանի հետ:
Միացյալ Նահանգները Ռուսաստանին համարում է ռազմական և անվտանգության ամենամեծ սպառնալիքը: ՌԴ նախագահ Վլադիմիր Պուտինը, քննադատելով ՆԱՏՕ-ին, ասել է, որ այդ կազմակերպությունը դարձել է ԱՄՆ արտաքին քաղաքականության գործիք:
Արևելյան և Հյուսիսային Եվրոպայում Ռուսաստանի հետ ՆԱՏՕ-ի առճակատման աճը, որը համապատասխանում է ԱՄՆ արտաքին քաղաքականությանը, ցույց է տալիս որ ՆԱՏՕ-ն Վաշինգտոնի կողմից օգտագործվում է որպես միջոց` Ռուսաստանին զսպելու համար:
Ռուսաստանի ազգային անվտանգության դոկտրինայում նման զորավարժությունների անցկացումը և զորքերի տեղակայումը Եվրոպայի արևելքում և հյուսիսում, ինչպես նաև ՆԱՏՕ-ի թշնամական վերաբերմունքը նշված են որպես ազգային սպառնալիք:
