Սաուդյան Արաբիան միացել է Իսրայելի հետ հարաբերությունները կարգավորող երկրներին
Սուդանի և Իսրայելի միջև կայացած համաձայնությունից հետո, Սաուդյան Արաբիան միացել է Իսրայելի հետ հարաբերությունները կարգավորող երկրներին: Այս մասին տեղեկացրել է Սիոնիստական ռեժիմի անվտանգության մի աղբյուր:
Վերջինս դրական է գնահատել Սուդանի ու Իսրայելի միջև հարաբերություների կարգավորումը և ասել է.«Սաուդյան Արաբիան կհետևի Սուդանի քայլին»:
Աղբյուրը հավելել է.«Հինգշաբթի օրը Իսրայելի պատերազմի նախարար Բենի Գանցի և ԱՄՆ-ի ՊՆ Մարկ Էսպերի Վաշինտոնում կայացած անվտանգության թեմայով հանդիպման ընթացքում, կողմերը ստորագրել են հայտարարություն՝ Արևմտյան Ասիայի տարածաշրջանում Սիոնիստական ռեժիմի ռազմական գերակայությունը ապահովելու հարցում ԱՄՆ-ի հանձնառության վերաբերյալ»:
Այս կապակցությամբ Սիոնիստական ռեժիմի լրտեսական ծառայության՝ «Մոսադի» տնօրեն Յուսի Քոհենը հայտարարել է.«Սաուդյան Արաբիան սպասում է ԱՄՆ-ի նախագահական ընտրությունների արդյունքներին, որպեսզի կարգավորի իր հարաբերությունները Թել Ավիվի հետ»:
Սեպտեմբերի 15-ին, Սպիտակ Տանը, ԱՄՆ նախագահ Դոնալդ Թրամփի ու Սիոնիստական ռեժիմի վարչապետ Բենիամին Նեթանյահուի ներկայությամբ, ԱՄԷ-ն ու Բահրեյնը ստորագրեցին Իսրայելի հետ հարաբերությունների կարգավորման համաձայնագիրը:
