Իրաքի պատգամավորները կրկին ընդգծել են ամերիկյան զորուժի դուրսբերման անհրաժեշտությունը
Իրաքի խորհրդարանի պատգամավորները կրկին ընդգծել են այդ երկրից ամերիկացի զորայինների դուրսբերման անհրաժեշտությունը:
Իրաքի պառլամենտի պատգամավոր Ֆազել Ջաբերն ասել է.«Իրաքում ամերիկացի զորայինների ներկայության գործը այս երկրի պառլամենտում դեռ չի փակվել և առաջիկա օրերին կրկին քննարկվելու է»:
Իրաքի պառլամենտի մեկ այլ պատգամավոր Մոխթար Ալ-Մուսավին քննադատել է կառավարության կողմից ամերիկացի զորայինների դուրսբերման մասին խորհրդարանի որոշումը չգործադրելը, ասելով. «Իրաքի ժողովուրդը դեմ է այս երկրում ԱՄՆ-ի զորայինների ներկայությանը»:
Պատգամավոր Հոսեյն Ալ-Սայարին նշել է.«Քաղաքական խմբերը պատասխանատու են նահատակների ու դիմադրության հրամանատարների առջև և պետք է աշխատեն Իրաքի ինքնիշխանությունը խախտող օտարերկրյա հատկապես ԱՄՆ-ի զորայինների դուրսբերման ուղղությամբ:
Իրաքի քաղաքացիներն ու քաղաքական խմբերը բազմիցս հանդես են եկել այս երկրից ԱՄՆ-ի ահաբեկիչ ուժերի դուրսբերման կոչով: Իրաքի խորհրդարանը հունվարի 5-ին վավերացրեց այդ երկրից արտասահմանյան ուժերի դուրսբերման մասին նախագիծը:
