Իրաքի մտավորականների հաղորդագրությունը՝ Դիմադրության հրամանատարների նահատակության կապակցությամբ
Իրաքի մի խումբ մտավորականներ հաղորդագրություն տարածելով, բարձր են գնահատել գեներալ Ղասեմ Սուլեյմանիի և Աբու Մեհդի Ալ-Մոհանդեսի սխրագործությունները և կարևորել են նրանց ուղին շարունակելը:
Ֆարս լրատվական գործակալության հաղորդման համաձայն, ԻՀՊԿ Ղոդս ստորաբաժանման հրամանատար, գեներալ Ղասեմ Սուլեյմանի և Ալ Հաշդ ալ Շաաբի ուժերի փոխրամանատար Աբու Մեհդի ալ-Մուհանդեսի նահատակության առաջին տարելիցի առիթով Իրաքի 99 մտավորականներ հաղորդագրություն են տարածել:
Հաղորդագրության մեջ հայտարարել են, որ երբեք չի մոռացվելու ԻԼԻՊ-ի դեմ տարիների պայքարում և այդ ահաբեկչական խմբավորմանը հաղթելու գործում նահատակ Ղասեմ Սուլեյմանիի առանձնահատուկ դերը:
Հաղորդագրության մեջ կարևորվել է որպես Իրաքի միասնության ու անվտանգության պահպանման երաշխավոր՝ Ալ-Հաշդ ալ-Շաաբիին հովանավորելը և Իրաքից ամերիկյան ուժերի դուրս քաշվելու մասին խորհրդարանի վավերացրած օրինագծի իրագործումը:
2020թ. հունվարի 3-ին, Բաղդադի օդանավակայանի դեմ ԱՄՆ-ի իրականացրած ավիահարվածի հետևանքով, նահատակվեցին ԻՀՊԿ Ղոդս ստորաբաժանման հրամանատար, գեներալ Ղասեմ Սուլեյմանին, Ալ Հաշդ ալ Շաաբի ուժերի փոխրամանատար Աբու Մեհդի ալ-Մուհանդեսը և նրանց 8 զինակիցներ:
