Սեյեդ Հասան Նասրոլլահ.Վերջին իրադարձությունների ժամանակ, ամերիկացիները գիտակցեցին Թրամփի վտանգը
Լիբանանի «Հեզբոլլահ» -ի գլխավոր քարտուղարը հայտարարել է, որ ԱՄՆ Կոնգրեսում տեղի ունեցած իրադարձությունները վտանգավոր են, հավելելով. «Ամերիկացիները զգացին իրենց երկրին ուղղված Թրամփի սպառնալիքը»:
«Չնայած այն հանգամանքին, որ տարածաշրջանում ԱՄՆ-ի դաշնակիցները փորձեցին որպես նորմալ երևույթ ներկայացնել չորեքշաբթի երեկոյան Թրամփի կողմնակիցների կողմից Կոնգրեսի վրա իրականացված հարձակումը, այս միջադեպը ցույց տվեց ամերիկյան ժողովրդավարության իրական դեմքը», - ուրբաթ երեկոյան հայտարարել է Նասրոլլահը:
Առնվազն չորս մարդ է զոհվել, և տասնյակ ուրիշներ վիրավորվել են, չորեքշաբթի օրը Թրամփի կողմնակիցների՝ Կոնգրեսի շենք ներխուժելու ժամանակ:
«Հեզբոլլահի» գլխավոր քարտուղարն ասել է. «Ամերիկացիները սովոր են նման միջադեպեր հրահրել այլ երկրներում, սակայն Թրամփը դա արեց ԱՄՆ-ում»:
Քննադատելով ԱՄՆ կառավարության վերջին տարիների գործողությունները, այդ թվում՝ դիմադրության հրամանատարներ, գեներալ Սոլեյմանիի և ալ Մոհանդեսի սպանությունը, Նասրոլլահը հավելել է. «Թրամփն ամերիկյան քաղաքական և ռազմական ամբարտավանության օրինակ է»:
Սեյեդ Հասան Նասրոլլահը հավելել է. «Լիբանանում ամերիկացիների համար կարևորն այն է, թե ինչպես աջակցեն Իսրայելի գոյությանը»:
