Իրաքի նախագահը հաստատել է 340 ահաբեկիչների մահապատժի վճիռը
Իրաքի նախագահի գրասենյակը հայտարարել է, որ նախագահը հաստատել է 340 ահաբեկիչների և հանցագործների մահապատժի վճիռը:
Կիրակի օրը, Բարհամ Սալեհի գրասենյակը հայտարարել է, որ այս մահվան դատավճիռների վերջնական հաստատումը կատարվել է ըստ Սահմանադրության և մահապատժի խախտման բոլոր եղանակներն ուսումնասիրելուց հետո և թողարկված դատավճիռների համապատասխանությունը 2016 թվականի համաներման ընդհանուր օրենքին ստուգելուց հետո:
Շաբաթ օրը Իրաքի խորհրդարանում «Ալ-Սադիղուն» խմբակցությունը հավաքել էր 70 պատգամավորի ստորագրություն, պահանջելով ընդունել օրենք, որով նախագահին կարող են պարտավորեցնել վերջնականացնել բանտերում ԻԼԻՊ-ի ահաբեկիչների մահապատժի դատավճիռը:
Ալ-Սադիղուն խմբակցությունը նման քայլի է դիմել այն բանից հետո, երբ անցած հինգշաբթի օրը, Բաղդադում տեղի ունեցած երկու ահաբեկչական պայթյունների հետևանքով սպանվել է 32 մարդ, 110-ը վիրավորվել:
Ըստ իրաքյան աղբյուրների, բանտերում կան 19 հազար ԻԼԻՊ-ի ահաբեկիչներ, որոնցից 3 հազարը սպասում է մահապատժի վերջնական հաստատմանը, ինչը օրենքի համաձայն նախագահի պարտականությունն է:
