Ադրբեջանցի զինվորականները թուրքական ԱԹՍ-ների ղեկավարման հավաստագիր են ստանալու

Թուրքական «Բայրաքթար» հարվածային ԱԹՍ-ներն արտադրող «Բայքար» ընկերության տեխնիկական գծով տնօրեն Սելչուք Բայրաքթարն այսօր իրենց ԱԹՍ-ների ուսումնական կենտրոնում պատրաստվում է Ադրբեջանի ԶՈւ մի խումբ անձնակազմին հանձնել ԱԹՍ-ների ղեկավարման հավաստագրեր:

Այս մասին Բայրաքթարը տեսանյութի միջոցով հայտնել է իր սոցիալական կայքերում` նշելով, որ այդ պահին գնում է հավաստագրերը հանձնելու:

Այն, որ ադրբեջանցի զինվորականները նոր են ստանում իրենց հավաստագրերը, կարող է վկայել, որ սեպտեմբերի 27-ին Լեռնային Ղարաբաղի դեմ սկսված պատերազմում ադրբեջանական կողմից ներգրավված «Բայրաքթար» ԱԹՍ-ները ղեկավարվում էին թուրք մասնագետների կողմից, ինչպես և ենթադրել էինք այն ժամանակ:

orakarg.com