Թուրքիան իր զորքերը տեղակայել է Իրաքի սահմանային տարածքներում

Իրաքյան աղբյուրները տեղեկացրել են, որ Թուրքիան իր զինուժը տեղակայել է Իրաքի հյուսիսային հատվածում՝ երկրի սահմանային տարածքները գրավելու նպատակով:

Իրաքյան աղբյուրները հայտարարել են, որ Թուրքիան երեքշաբթի օրը մեծ քանակությամբ զորք է տեղակայել Իրաքի Դոհուկ նահանգում գտնվող Ջիստա լեռներում երկրի սահմանային տարածքները գրավելու նպատակով: 

Ջիստայի լեռներում ծանր բախումներ են տեղի ունեցել Թուրքիայի զորքերի և Քուրդիստանի աշխատավորական կուսակցության (PKK) միջև: Թուրքիայի բանակին պատկանող կործանիչները ռմբակոծել են PKK-ի դիրքերը:

Թուրքիայի պաշտպանության նախարար Հոլուսի Աքարը կիրակի օրը Շերնախ նահանգի սահմանամերձ շրջանում գտնվող  PKK- ի դեմ իր գործողությունների հրամանատարական կենտրոն այցելելուց հետո, ժամանել է Իրաքի Քուրդիստանի տարածք և այցելել  նորաստեղծ   Բիլիչ Թափեհ  ռազմաբազա:

Բաղդադի կառավարությունն արձագանքել է Աքարի այդ քայլին: Իրաքի ԱԳ նախարարություն է կանչվել Բաղդադում Թուրքիայի դեսպանության հավատարմատարը, որին փոխանցվել է Իրաքի բողոքը՝ Հոլուսի Աքարի առանց համակարգելու Իրաքի տարածք մուտք գործելու դեմ: