Սիոնիստական ռեժիմի 60 կործանիչներ հարձակվել են Գազայի վրա
Սիոնիստական ռեժիմի 60 կործանիչներ այսօր առավոտյան ռմբակոծել են Գազայի հատվածի 65 շրջաններ:
Սիոնիստական ռեժիմի բանակի խոսնակ Հիդայ Զիլբերմանը, մամլո ասուլիսում հայտարարել է, որ այդ հարձակումները տեղի են ունեցել կես ժամվա ընթացքում և Գազայում խոցվել են Դիմադրության ուժերի տասնյակ կիլոմետր երկարությամբ թունելներ: Հարձակումները տեղի են ունեցել հիմնականում Գազա քաղաքի արևմտյան Ալ-Ռամալ թաղամասում:
Մեծ թվով սիոնիստներ երկուշաբթի երեկոյան հավաքվելով վարչապետ Բենիամին Նեթանյահուի նստավայրի մոտ, պահանջել են շարունակել Գազայի հատվածի դեմ հարձակումները և կոտորել Պաղեստինի ժողովրդին:
Թեհրան նահանգի Իսլամական քարոզչության համակարգման խորհուրդը հայտարարել է.«Թեհրանի բնակիչները վաղը հանրահավաք կանցկացնեն Իմամ Հոսեյնի անվան հրապարակում՝ ի պաշտպանություն Պաղեստինի բռնահարված ժողովրդի»:
Մայիսի 10-ին մեկնարկած և առ այսօր շարունակվող Գազայի հատվածի դեմ Սիոնիստական ռեժիմի հարձակումների նոր փուլի ընթացքում նահատակվել է ավելի քան 220 պաղեստինցի, այդ թվում՝ 60 երեխա: Վիրավորվել է ավելի քան 5600 մարդ: