Լիբանանում շարունակվում են ցույցերը. Բեյրութում բողոքի ակցիա անցկացնելու կոչ
Հունիս 15, 2021 14:38 Asia/Tehran
Լրատվական աղբյուրները հայտնում են Լիբանանում տնտեսական վատ պայմանների դեմ բողոքի ցույցերի մասին:
Երկուշաբթի երեկոյան Լիբանանի քաղաքացիները երկրի տարբեր շրջաններում բողոքի ցույցեր են անցկացրել տնտեսական ու կենցաղային վատ պայմանների դեմ:
Լիբանանցի ցուցարարները փակել են մի շարք պողոտաներ ու մայրուղիները և բողոքել դոլարի նկատմամբ լիրայի արժեզրկման դեմ:
Բողոքարարները կոչ են արել այսօր երեկոյան Բեյրութում անցկացնել համաժողովրդական մեծ ցույց՝ «Որոշումը ժողովրդինն է» խորագրով:
Արդեն մեկ ու կես տարի է ինչ Լիբանանը տնտեսական ճգնաժամի մեջ է, ինչը 1990թ. ի վեր այս երկրի ամենավատ ճգնաժամն է: Ճգնաժամի արմատները գալիս են այս երկրի կառավարության ձևավորումից և այս ոլորտում առկա տարաձայնությունները ավելի են բարդացրել տնտեսական դժվարությունները:
Պիտակ
