Բաշար Ասադը երդվեց որպես Սիրիայի նախագահ
Սիրիայի նախագահ Բաշար Ասադը երդվեց խորհրդարանի անդամների առաջ: Այդ մասին հաղորդում է «Ալ-Մայադին» հեռուստաալիքը:
Սիրիայի նախագահ Բաշար Ասադն այսօր խորհրդարանում երդվեց խորհրդարանի նախագահի և անդամների առաջ:
Լրատվական աղբյուրների համաձայն՝ Ասադի երդման արարողությանը ներկա են եղել քաղաքական, կուսակցական, կրոնական, լրատվական, գիտական, մշակույթի, սպորտի գեղարվեստական և սոցիալական ոլորտների մի շարք գործիչներ և մի խումբ նահատակների ընտանիքներ:
Խորհրդարանում երդման արարողությունից հետո, Բաշար Ասադը հանդես է եկել ելույթով: Նա ասել է.«Ոմանք ուզում էին մասնատել երկիրը, բայց ժողովուրդը դա կանխեց: Նախագահական ընտրություններին ժողովրդի բուռն մասնակցությունը վկայում է ազգային մեծ գիտակցության մասին: Փորձը ցույց է տվել, որ ժողովուրդն է, որ մի կառավարությանը օրինականություն է տալիս»:
Հիշեցնենք, որ անցած ամիս Սիրիայում տեղի ունեցած նախագահական ընտրություններում Բաշար Ասադը հաղթեց ստանալով ընտրողների ավելի քան 95 տոկոսի աջակցությունը։
