Սիոնիստական ռեժիմը խոստովանել է, որ մասնակցել է գեներալ Սոլեյմանիի սպանությանը
Սիոնիստական ռեժիմն առաջին անգամ խոստովանել է իր մասնակցությունը Բաղդադի օդանավակայանի մերձակայքում գեներալ Սոլեյմանիի և Աբու Մեհդի Ալ -Մոհանդեսի սպանությանը:
Իրաքյան «Ալ-Մաթլա» լրատվական գործակալության հաղորդմամբ, Սիոնիստական ռեժիմի ռազմական հետախուզության «Աման» ստորաբաժանման ղեկավար Թամիր Հայմանը հարցազրույցներից մեկում խոստովանել է, որ Իսրայելը մասնակցել է ԱՄՆ-ի կառավարության հրամանով իրագործված՝ ԻՀՊԿ «Ղոդս» ստորաբաժանման հրամանատար Ղասեմ Սոլեյմանիի և Իրաքի Հաշդ ալ-Շաբի խմբավորման փոխհրամանատար Աբու Մեհդի ալ-Մոհանդեսի սպանությանը:
Հայմանի խոսքով ՝ Ղասեմ Սուլեյմանիի սպանությունը տեղի է ունեցել այն բանից հետո, երբ Սիոնիստական ռեժիմի հետախուզական ծառայությունը տեղեկատվություն է տրամադրել ԱՄՆ -ին:
Գեներալ Հաջ Ղասեմ Սուլեյմանին և Աբու Մեհդի ալ-Մոհանդեսը, իրենց ուղեկցող ութ այլ անձանց հետ միասին, նահատակվեցին 2020 թ. հունվարի 3-ին՝ ԱՄՆ նախկին նախագահ Դոնալդ Թրամփի հրամանով Բաղդադի օդանավակայանի մերձակայքում իրականացված ավիահարձակման հետևանքով:
